百（冇/無）

尋日係在下2006年最後一天上班
冇最討厭既人又冇皇管
尋日返工真係好無拘無束
之後竟然就係接二連三既無奈
一個無奈引又發起另一個冇癮
真係乜mood都冇哂
你話你好鐘意想我俾多次機會你
我可以話你知我都好愛你
因為我已經俾過唔只一次機會
我諗你係最清楚架
我俾機會你係因為我好愛你
但係我真係覺得好sad................
尋日真係好似玩過山車咁
原本心情係好興奮
但係一下子就好似過山車咁滑落谷底.........

空虛的平安夜加上稍欠完美的聖誕節

今年第一次有情人既年頭
竟然係浪漫既平安夜前一日整到隻腳
唔可以去camp之餘兼可以同佢一齊渡過
我知道佢好想陪我但我唔想咁自私
如果佢唔入camp就兩個人各自在屋企悶
我又唔想佢一個人對住d佢唔想見既人
平安夜做得最多既就係砌puzzle
估唔到我都可以咁有耐性架
聖誕節打死我都一定要出去同佢過
第一次見佢個christmas打扮~勁頂癮~呵呵
一餐非常非常豐富既聖誕大餐
好正既酥皮龍蝦海鮮湯~
yummy既火雞千層麵
好得既焗生蠔同焗青口
仲有我最愛既脆薯角~yeah
再加上非常便宜既價錢
真係要多得星星既關照
臨走前仲可以在隔離唱k添
不過聲沙勁走音難為了聽眾.........=_="
唯一遺憾既就係唔可以同BB盡快親熱~
撞鬼囉~做乜鬼我好似咁..............><'

黑、黑、黑

都唔知仲乜鬼呢排黑到..............
先係唔舒服病左仲要請假睇醫生
去唔bb既daddy group既聖誕聚會
第一年一齊過既平安夜
而家又因為整親隻腳
冇得去個聖誕camp
有冇咁黑呀>~<
係咪根本我同聖誕呢個節日一d緣份都冇
我呢個壞機器成日到令周遭既人擔心
我好討厭自己呢身賤骨頭~><

Unlimited

距離千嬅上一張album已經係一年半囉
故且唔好講個cover真係好似sammi既04 concert poster
但係呢張在gold laber最後既album真係好正
冇咁商業之餘風格似番華星時期既千嬅
好耐都未聽過一d咁有千嬅個人風格既作品
成隻碟好多歌都好正不過自己最鐘意係"毅行"
一來d詞我自己好鐘意~
二來我自己好鐘意呢款音樂~
三來呢首歌令我諗起千嬅幾年前我勁鐘意既一首舊作~

毅行
曲：C Y Kong 詞：林夕
自問信運　或者夠運
從未望擺好水晶去空等
我哪裡肯　只相信上天的意旨
也未曾到處佈陣
自問以十成力做好戲份
無緣份也未忘有自信心
事發定有因　會彈回自身
算命如同沒算　上天想我獨行 都需要毅行
世界永遠　會有事發生
是樂和恨　全在乎內心
即使鐵板　算準我餘生
都信憑我心會轉運
要算盡每寸路中毒太深
在命途浪蕩時未求路燈
不需要得好報自動地懷著善心 未怕密雲
永沒有怨過天失戀想呻
只想將經歷去化做道行
若信佛說每個果是源自曾造過因
明瞭原業有權慶幸
自問我未做到絕未信運
然而沒虧心總使我安枕
我哪裡肯　只相信上天的意旨
也未曾到處佈陣
自問以十成力做好戲份
無緣份也未忘有自信心事
發定有因　會彈回自身算
命如同沒算　無需知道命運 只需要毅行
每寸路也已預有事發生
未預期事業和情人順心
我笑傲我每步動靜亦源自善心 沒有問神
甚麼戀情仍慶幸
未信任我聽過的諾言但仍是快感
償還恨愛有如責任
自問靠實力卻略略信運
然而沒虧心總使我安枕
我夠決心　會改變上天的意旨也
未曾到處佈陣
自問靠十成力做好戲份
無緣份也未忘有自信心
做錯便種因　會彈回自身
算命如同沒算　如果真有命運都需要毅行
就算被最準斗數
實牙實齒批定共誰人合襯
難得不再獨行　都需要毅行

what's going on?

老實講我真幾唔鐘意eason份人
不過佢既歌我真係幾鐘意既
佢呢張新ALBUM真係好正
做得真係好有heart好多唔同類型既音樂都有
不過本人最鐘意既就係"黑擇明"
一首好正好耐聽而且d詞真係幾正~

曲：C.Y. Kong 詞：林夕
他不姓黑　不怕黑　選了光　叫最暗黑的戲院　發出光
臨行仍不肯撒手拍出一片彩色　給仰望
他很有心　很會講　黑暗中　老百姓怎麼發出　熱與汗
人又有幾多怕光要急於往花瓣下　被探望
未夠色　便要腥　若有日你也開鏡　願對白不要認你命　
別要驚　別要驚　亂世下佈滿樽頸　這都市已吃夠血腥　
情緒或高或低如此詭秘　陰晴難講理　
既然浮生就如遊戲　不如坐戰機　
黑暗下磊落光明中演你　心能隨心揀戲　
這時期演傷心戲　戲爛人未死
失戀也死　走去死　走去死　你母親親心到死　內疚未
誰人逃不出債主　似三歲跳飛機　悲夠未
抑鬱也死　想去死　想去死　你當你醫生已死　沒見地
忘掉了雙星報喜　把天井當悽美地　煽未
誰也在暢讀死亡的筆記　不如來推推理
要求存似電玩遊戲　操練著戰機
死也未怕又怕甚麼苦戲　不如重溫好戲
死亡遲早都找你　切勿憑自己

又黎~><

又病啦~今年真係好鬼冇用成日打敗仗
即使日日有做運動都係咁既~點解喎><
又要BB佢擔心~好對唔住呀~
又要將金錢奉獻俾醫生先生啦~
又再一次俾人錯認為細佬
點解以前識親我地兩兄弟總係咁既呢~
點解肥既就一定係大佬瘦既係細佬呢=_='
唔通我唔可以瘦既咩~~~~~~~妖~~頂
又黎啦~~~~~~OH MY GOD~~~~~~
不過今日又可以睇"我係小忌廉"lu~yeah~~~~~~~~

早來的聖誕禮物

尋日同BB食完dinner之後就返屋企
去到屋企附近送左聖誕禮物俾佢
因為見呢個星期開始涷所以提早送
送既就係自家溫暖牌既第一條產品
今日佢黎接我放工之後送左聖誕禮物俾我
兩個人享用既迷你版朱古力火鍋
超cuite既donald duck BB~好得意呀
BB親手整織既溫暖牌
相比起我織個條真係非常之............=_="
不過最起碼佢都鐘意^^
估唔到送俾對方既聖誕禮物都有公仔
我送PIGGY佢送DONALD
大家都有織頸巾~~果真係心有靈犀~呵呵呵

一週的開心、唔開心

在過去既一個星期雖然有唔開心既事發生
同BB發生左一D不愉快事
唔見左野又搞到損手爛腳
而且仲有流左成個星期鼻涕
不過都有唔少開心野發生
今日既紀慶自己負責左兩PART
其中一PART係要會員跳STEF既慢慢來
由設計舞步、排步甚至乎要落場同佢地一齊跳
雖然要自己扮女仔不過睇到D會員睇得咁開心都值得既
成幾個月冇買過新figures
終於在尋日入左新貨啦
今次既呢套figures只係買左三個
因為chopper同上一套個樣差唔多所以冇買
而luffy就搵唔到不過個款自己就有另外一款figure差唔多











雖然唔係好鐘意nami不過呢款真係好靚
今次robin好正~好sexy呀~
最正既緊係zoro啦~好型呀~三刀流萬歲^^

It's hurt!!!!!!!!!!!!

我知我係好小氣
但係我真係搵唔到一個唔去小氣既理由
你明知我最憎人呃我
而且點解要?呢d野黎玩
你有冇諗過我當時有咩感受
我個心真係好難受
今晚返到屋企即使幾?有d唔舒服我都出去跑步
因為每次唔開心跑完步出身汗都會舒服好多
但係今晚唔知做乜鬼
一開始跑就好似開turbo咁
對腳好似唔係自己咁起勢係咁跑
而偏偏在耳筒傳黎既係一首
呢排成日聽既某歌手既第一首作品
每次聽呢首歌我都會有一種想喊既衝動
或者就係因為聽到呢首歌
所以對腳不由自主咁加快速度
跑完之後出左一身大汗
的確係舒適左好多但當靜下來時
個心唔知點解又再一次.................
好唔開心呀~~~~><好想搵人呷下呀~~~~~~~

怪人

同BB發生左一d好無謂既磨擦

雖然件事已經搞清楚

不過唔知點解個心都係好似有d野咁

唔知點解會咁唔開心

我明白你唔想我見到你唔開心既樣

我知就算在你身邊都幫唔到咩

但係我真係好想在你最唔開心時在你身邊

或者唔開心係因為你唔開心情願去到遠一遠搵人食飯

去人地屋企玩狗~但係把口話掛住我但又唔見我

我諗我真係太小氣太唔成熟

但係我真係控制唔到點解個心會咁唔舒服

呢種感覺從來都未試過

真係唔知點解會咁點樣先至會好d

尋晚都有呢種感覺不過跑完步之後有好d

或者陣間又走去跑步舒緩下

多謝各方好友

好多謝咁多位好友出席在下既生日k party
多謝蘭蘭、華dee、ling ling、強仔、亞草
最感激既係sa姐呢排咁唔開心都黎同我慶祝
尋晚玩得真係好開心亦都玩得好放
個間K場d野食真好正
奈何小弟對鞋出左事唔可以點去?野食
不過都唔該哂咁多位?埋我個份
好好味既北寄貝、鰻魚手卷、我既最愛雪糕
但係今次冇乜點食甜品添><
食少d當keep fit啦（唯有咁諗啦）=_=
多謝ling姐既body butter
真係心有靈犀我就係想買呢一款(嘻嘻)
多謝蘭蘭既jack公仔匙扣~好cuite呀~
多謝sa姐既第二同第三份禮物
條十字架紫色民族鏈~好靚呀~
仲有一條溫暖牌頸巾 好warm好舒服~錫哂您~
亦都要多謝orange既黑白豬豬遮
好靚、意義好大我真係唔想用
好驚自己粗手粗腳會整爛
















今年自已收到最多birthday card既一年
sa姐既23、BB既狗狗card（如果係貓貓我就仲鐘意~正貓痴）
另外仲有orange同埋今晚先識既草姐hand made既card
好graphic呀~我鐘意




















好感謝主賜俾我一個咁開心既生日
有一班咁好既朋友我一定會好好珍惜我地之間既友誼^^

點解?!

點解男人永遠都咁自私?
點解少少野都要逃避咁耐?
愛同唔愛都係一句者
點解咁簡單都要搞成個月先肯去面對
點解男人咁要面?
把口就話對妳唔公平根本就係怕自己冇face
如果係真心愛對方既呢d根本就唔係問題
點解咁少事都可以將個責任全部拱手推哂去其他人度
你話咁樣做令你在親友面前冇面
我覺得你咁做先至係丟自己架
一個男人最緊要係識得負責任
連咁簡單既事你都做唔到
女人都可以做到負責任咁你真係連人都不如
既然你唔想同人一齊就唔好俾希望人
俾左人地希望又一腳踩碎佢咁你而家算點先
如果唔係今次俾到一個藉口你你又諗住拖字訣架啦
點解有野唔講清楚要不斷逃避
原來唔理咩種族既男人都係咁
到底我會唔會都係一個咁既男人???????

最開心的生日Part II

經過左又搭的士又搭地鐵仲要行多陣
終於去Part II既舞台啦
原來就係東涌某酒店度去自助餐
之所以有咁既安排完全係因為我鐘意食朱古力
而BB知道個度有朱古力噴泉所以就帶我去
你對我真係好~錫哂您呀~
個度既羊架、士多啤利mousse、咖喱羊肉同d湯都好正
不過d冷盤就真係認真麻麻啦
諗住bb鐘意食?左一大碟返去
點知全部都唔掂既仲爭d整到佢添~><
食得飽飽就緊係講講今日既戰利品啦




















最後在海洋公園買既就係威威師領bb
BB第一眼睇到就好鐘意
所以下晏把口叫佢唔好買
就趁走時等佢行開就買黎送俾佢
你話今日我生日叫我唔好用錢咩都交俾你
不過你今日?得本大爺咁開心緊係要獎勵你架啦
而且我仲買左兩隻可以一人一隻~正哦~
在海洋公園玩拋波波遊戲時仲贏左兩次
贏左一個史力奇同埋2隻叮噹匙扣
又可以同BB一人一隻~好野~
BB之前已經送左donald俾我諗住今日係齋去玩
點知又送左隻黑色手鐲話情侶裝一人一隻
之後去到食野又趁我行開又送多隻銀鐲俾我
















而家我兩隻手都俾你鎖住啦~
我冇得走架啦~你要負責任架~
其實今日真係玩得好開心~
可能係爭少少先完美不過咁至可以成為回憶
我真係好多謝你俾左一個咁開心又難忘既生日俾我
我愛你呀~

最開心的生日Part-I

生日一早就著得靚靚出發去搵BB
BB唔肯講今日又咩節目只係話跟住佢就得
原來佢係帶我去海洋公園
佢知道我鐘意玩機場遊戲
而且我地一早就話想同對方去
所以佢就揀左呢個地方同我慶祝生日
入到去仲可以同威威師領影相添~
去咁多次都係今次先見到~正~




















BB怕玩都陪我玩我真係好感動
不過下次都係唔好啦我見到咁樣我仲驚過你
玩滑浪飛船就冇所謂~因為今日都同你玩左3次




















雖然冇玩哂所有野不過我覺得一d都冇所謂
因為可以同你一齊就算只係在公園坐都係好
之後去左餵海獅雖然攪到成手腥
不過真係難得先有咁經驗
行過精品店仲貪得意拎左頂帽黎帶
變左做一隻懶白海獅威威~呵呵




















亦都拎左一隻好可愛既企鵝仔黎影~




















超卡哇依~不過冇買佢買左另外一款~因為...........
總括今日玩得真係好開心
除左在海洋公園遇到d無賴同埋跳樓機事件
點知原來海洋公園只係Part I
BB古古惑惑話跟住仲有Part II
又懶神秘咁帶我去第二個地方
攪到人地15．16咁~好想知呀~><

第二份禮物

估唔到今日咁快又收到第二份賀禮
雖然只係一張生日卡
不過心意就非常之大
二娘之前去澳洲時已經買定
而且仲要同埋john哥一齊去揀
最特別既就係張卡好岩我
因為個封面已經寫左我今年既歲數~呵呵
仲要係來路貨而且仲係坐飛機黎既
好多謝您呀二娘~錫哂您~

勁開心^o^

終於都等到自己生日o個個月啦
今年既生日應該會係自己最開心既生日
因為自己第23次既生日終於都有自己愛人陪
唔駛獨守空房咁陰公
BB話已經計劃好生日當日既節目
話驚喜就冇啦~神秘就有
其實係咩都好只要係你悉心安排我都咁鐘意
就算只係去食一餐坐在公園我都咁開心
尋晚收到23年自己最鐘意既生日禮物
你話我唔好咁聰明咁快知道個份係生日禮物
但係冇辦法啦~個盒野實在太顯眼啦
而且你親戚點會俾呢d野你mummy
我真係好鐘意份禮物
自己最鐘意既disney人物donald
身上面仲要掛住我個名，見到真係勁鐘意
donald真係好得意呀~^^
不過唔係應該掛住你個名既咩
咁我見到佢咪就好似見到你咁囉
雖然你尋晚做左d令我非常非常意外既野
不過我真係好開心架~多謝你呀~我愛你呀~^3^

死咁滯

今日係機構搞既全港第一個既道教婚禮
仲要係長者婚禮所以事前工作都做得嚴緊
好心明知咁想要做到咁輝冕堂煌
就搵d專業既人做場刊、感謝狀同紀念狀啦
我地冇份搞又要出去幫手又要我地做哂
又要成日改黎改去又誅多要求
今日又唔夠時間綵排又話個台乜又話個台乜
無啦啦又要加多條絲帶
又唔知加左在台下面睇根本就係得一條線
今日仲要企左成日真係?到想死
好彩今日成個儀式都算順利
在台上面好彩有好拍檔幫手總算一切順利
不過見到d長者咁開心咁幸福既樣我都好開心
而且胡楓有野講得好?
兩個人一齊最緊要開心
互相遷就、你?下我我?你
大家就會少d爭拋
當然我最buy既一句就係結婚只不過係一張證書
而且今日可以話係成世仔著得最斯文既一日（嘻嘻）

承諾﹗謊言﹗原則﹗

我一向都好重視承諾呢樣野
認為應承左既就一定要兌現
係絕對唔可以食言
我生平最憎人既就係呃我
而我更加唔鐘意去呃人
而家我去到一個兩難既局面
究竟我應該去遵守我既承諾
不過就要我去向別人講大話
還是堅持自己既原則講真話
但係就將與別人既承諾捨棄
而家我真係覺得好苦惱
我唔想呃人但係亦唔想遺背承諾既事
唉?><好煩呀~~~~~~~~~~

家庭教師殺手REBORN

家庭教師殺手REBORN係一套好得意既作品
呢套同BLEACH一樣都係睇完動畫就愛上左
講得意既意大利BB殺手培訓一個勁無用鬼
之間既笑料勁頂癮勁爆笑
無那那都可以收到兩個收下
可能係好無聊不過呢個BB真係勁過癮
BB既身形不過就勁好打
睇親佢都會可以唔記得開心既野
你而家係我新寵啦~REBORN仔^^

離開

雖然我已經從事長者服務幾年
不過有時遇到有相熟既長者離世都不禁難受
之前有幾位很好既長者都因為病入院後不久離開了
今日再一次收到另外一個既壞消息
一位經常到中心既長者已經離開左
上星期仲見到佢好健康
次次見到佢都會笑容滿面
一d都唔似佢係有事既
有時真係話走就走想留到留唔住
雖然佢而家比以前思維冇咁清晰
但佢真係一個好好既老婆婆
希望佢去到另外既一個世界會開心、快樂
有時人就算幾健康都話唔埋會有咁去左
人根本就唔知自己會有幾長命
在人生當中應該要活在當下
享受人生去做自己想做同埋應該做既事
咁樣就算真係去左都起碼曾經做過自己想做既野
唔會令自己既人生有所遺憾
當然有時在去左有d野都未必做到
不過最起碼自己曾經有努力過

多謝您~^3^

多謝BB您帶我去食tea buffet
我真係好鐘意食甜品架~
好好味既TCBY雪糕
又滑又夠涷
雖然只得兩隻味
不過呢兩隻味自己都好鐘意食
加埋奇異果醬一流呀~~~~~~~~~~
















仲有好正既士多啤利甜品
最好味既就係呢兩款
士多啤利mousse同埋士多啤利香橙朱古力撻
















係d款食少d同埋d熟食好普通
個日真係食得好飽飽^^
雖然我口話唔好?錢
不過我真好開心架~多謝您

最愛既珍藏品（四）

呢個都係自己砌既
佢就係「遊戲王」遊戲用既三張神之卡其中–天空龍
雖然砌得唔係好完美不過就好鐘意~^^

當然仲有好多自己喜愛既動畫珍藏品
有加琁仔、布子、naruto、
小忌廉、鋼之鍊金術士、doremi
其實都試過係因為個figure靚
連套野叫乜都唔知都試過買過
其中一套就係小魚仙啦
俾自己最鐘意既顏色~
紫色人魚公主可怜所吸引就買左啦
同埋gundam destiny既人物
因為之前砌完個渣古就留意多左


都好耐冇再有新既珍藏品
而家好多都唔係好靚
不過近日搵到一d幾靚又別緻既
睇黎我又要大出血lu~~~~~~~~~~~~~

最愛既珍藏品（三）

好可愛既pinkky系列不過只係儲d特別d既

最愛既緊係「kof」既不知火同athena

當然唔少得自己細細個夜一夜都追既「聖鬥士星矢」
最鐘意既就緊係黃金聖鬥士人馬座啦（哈哈）

不過都好鐘意青銅既亞舜同埋一輝

雖然冇睇過gundam seed或者其他系列
不過自己就好鐘意渣古而且呢款桃紅色既又真係幾靚
同埋砌gundam真係好有滿足感

最愛既珍藏品（二）

而家漫畫同動畫都追緊
自己而家勁鐘意既就係「one piece」
儲得最多既亦都係佢地
最鐘意型爆既zoro、勁cutie既chopper同埋索爆既robin
以下兩套就係自己最鐘意

















近期自己非常喜歡既「bleach」
故仔吸引、人物靚~
超型既一護、好想快d睇到露琪亞全白色既斬魂刀呀~

最愛既珍藏品（一）

由出黎做野開始
自己就一直開始搜羅自己喜愛動畫既figures
搵左好耐既其中一款終於俾我在前幾日搵到
原來在自己返工既附近有得賣
最正既係價錢合理
佢就係「魔動王」既超過風飄俠
雖然駕駛員係肥仔不過就勁過癮
其實好多時畫動中既人物係用「風」
我就會特別鐘意




















除此之外自己亦都在之前搵到一d自己好喜歡既figures
有d仲要在台灣bid場先搵到
雖然d運費會貴d不過自己就覺得物有所值
好似自己第一套追既漫畫「魔法騎士」
三個之中最鐘意既都係用「風」既亞風
智慧型而且攻守兼備
不過如果可以搵埋佢地既駕駛魔神時既戰鬥俠figure就perfect啦~




















學生時代瘋摩得我都好勁既「美少女戰士」
要儲齊10個sailor warriors都係要在台灣bid場先可以
呢套扭蛋真係好靚
自己就最鐘意Uranus(勁型)

一個月

同BB去左佢朋友度過左一晚夜
過夜個晚就係我地復合既第一個月
個晚自己整左咖喱龍利柳
煮得唔係太好食不過都入都口既=_=
個晚幫寒同學放狗狗
自己第一次放狗真係好爽
帶住隻狗狗散步真過癮^^
好可愛呀~




















不過如果要養寵物我就想養貓貓啦~
個晚太?原本plan好做既野都冇做到
對唔住><
不過好多謝BB既體諒~(錫哂您)
第二日?到下午2點幾=_='真係爛?豬一名
雖然真係?得好滿足不過就咁冇左一朝
夜晚燒野食食左好多好好味既牛牛
臨走前仲可以放多次狗狗添
傻瓜?覺發惡夢嚇醒左
d劇情咁怪一定冇可能發生啦
發夢既野多數同現實相反架
所以唔駛咁驚架
呢日半都過得好開心^o^

我的第一次>///<

第一次整mousse cake
雖然之前整過好多次mousse
不過cake都係第一次整
如果唔係BB既daddy都唔會整
好彩成個製作過程都有三娘幫手
先可以咁順利又咁成功完成
整好第一層mousse時有多剩下
可以?黎試食
d芒果酸左d不過我就更鐘意啦
之後再整多一層?喱
不過就放得重手左
好彩最後既完全品daddy4都鐘意食
不過最正既都係三娘整既士多啤梨rose
真係令到個cake非常漂亮^^

開懷

今日我同elsa、cici北上尋歡
今日elsa好開心
可能今日在她身邊都係好錫佢同佢好錫既人
見到佢終於開懷咁笑我都好開心
中途elsa同cici去左整自己野
我就同亞龍去左睇衫
搵到自己搵左好耐既英倫式軍褸
仲搵到四隻色添..........不過
紅色太細件=_=
紫色太貴=_="
白色同黑色太大件>o<
oh on~~~~~~~~~~~~~~
被我搵到但我就唔俾我買
真係有得睇就冇得食
好慘呀~~~~~~~~~~~~~
今日去左整一樣新野
髮型其實都keep左好耐
因為短直髮易打理又好睇
今日搞既新野就在個頭度
如果真係整呢個髮型我諗未成功一半我實頂唔順
不過而家就用左唔駛好耐就搞掂
好過癮~好得意~不過就覺得有少少怪
唔知BB見到時會有咩反應呢~嘻嘻

講清楚

elsa同隻鬼而家攪到好濕滯
elsa呢幾日都搵唔到佢
打佢手機冇人聽打去屋企又冇人聽
佢尋日見accounter睇下佢
將來如果同elsa結婚既財政狀況係點
elsa唔知佢係知道個結果係唔好所以唔搵佢
定係因為之前elsa既一句說話有誤會
所以嬲左elsa先唔搵elsa
elsa搵左幾日就算幾忙
好心你隻死鬼明知人地搵你咁多次你就覆下人啦
人地好擔心架嘛
elsa知道你冇事不過佢決定放棄
因為你有野唔講清楚
一段美好既姻緣就咁糟蹋左

開心

呢幾個星期發生左好多好事
屋企人啦~朋友啦~
最緊要係我既感情生活啦~呵呵
雖然今日自己病左
不過如果只係少少既痛苦
可以換到呢d野既話我真係一d都唔介意
sa媽同隻鬼雖然而家遇到阻滯
不過我相信佢地一定可以克復佢
因為佢地真係愛對方既
而且經歷完之後佢地既關係一定會更好
條魚終於搵到野做啦
終於都俾我見佢爭氣既表現
證明我相信佢係無錯既
希望佢黎緊一切順利
BB雖然工作上遇到唔開心事
不過佢可以同反目咁耐既daddy開始和好
我真係好替佢開心
當然關係唔會一下子好哂
不過有一方肯踏出第一步就好辦
希望BB快d搵到新工做
開開心心咁工作

grow up, pls~

好心你啦~xo極品豬扒皇
年紀又大過我、職位又大過我、書又讀得多過我
做事點解可以咁小家、咁唔成熟架
你幾年前俾人降級到而家都仲睇唔開
你出同樣既糧但係負責少左咁多
益左你啦﹗你帶組唔掂、帶隊唔掂
今日我朝早同下晏都要開組先幫唔到你
雖然我唔鐘意你但係如果工作需要既話我係唔介意幫你
你駛唔駛對住我黑面呀
你今日都係同carer helper出去
另一間centre又有worker出去
你駛唔駛要咁多人幫你呀
唔好以為我平時係「黃大仙」有求必認
你就越黎越過份係咁踩上我心口
我而家擺明唔妥你唔幫你
橫掂我幫過你你都可以同ic講我冇幫過你
咁你以後有咩自己搞掂
我冇眼理你話之你啦（怒）

討厭自己

我又再一次未搞清楚件事就判人死刑
上次係咁今次又係咁
雖然有好多跡象顯示件事係真
而且點可能會有咁多巧合
但係我地係有相處過架
佢對我好唔係扮出黎
而且而家件事越黎越嚴重
我係有份令件事嚴重起黎架
點解我唔搞清楚就同人講件事
點解我要咁唔理智咁唔成熟
我好憎我自己我好嬲我自己
我而家同出賣朋友背叛朋友有咩分別
我好恨我自己我真係覺得好難受

愛

尋晚係我最無助最滕雞既時候好彩有你出現
我原本諗住再見番你會咩感覺到冇
好似普通朋友咁
點知尋晚一見到你個心就唔知點咁
尋晚同你在公園仔傾左一陣
原來大家都仲未完全放低對方
你話俾一次機會大家重新黎過
其實我真係唔知我地再一齊究竟係好定壞
我當初的而且確選擇相信友誼而放棄愛情
我真係好驚我會再一次傷害你
我唔係對你冇信心而係我根本就對自己冇信心
我連玩心理測驗都驗到我擺愛情唔係一個重要既位置
家人>朋友>愛情>工作>金錢
我唔知我有冇能力去做一個合格既男朋友
不過或者真係天意
可能天就係俾呢個機會我
睇下我有冇資格去愛人
或者我唔應該顧慮咁多
應該放膽去愛

期待已久

真係等到頸到長埋終於等到sammi出album啦

今次由佢舊唱片公司幫佢出由95年至2005年呢大年期間既the best of the best

雖然自己有齊所有歌而且所謂既remix歌又唔係特別好

我由sammi唱chotto等等已經留意佢

直到佢去華納直頭係痴線fans咁

佢係我最愛既singer~yeah

所以作為忠實fans既我緊係要捧捧場啦

講番今次隻album先，有3cd+2dvd而且只係賣百零蚊都好抵

可以一次過重溫sammi既mv之餘

又可以睇埋sammi呢咁多年既變化

先講第一隻快歌精選先

自己最最最愛既「螢光粉紅」、「一夜成名」、「煞科」、「神奇女俠」都有收錄

如有有埋國語快歌「永遠都不夠」就perfect啦

不過唔係好明點解「愛是…」會擺左在快歌度

第二同第三隻碟係都慢歌精選

真係好有我最最最愛sammi華納時期既作品

「宿命主義」、「愛的輓歌」、「最後一次」、「值得」

「唉聲嘆氣」、「回來我身邊」、「醫生與我」同埋「終身美麗」

不過如果可以收錄一d唔hit但好正既作品有就仲正

以下就係本人覺得好正而今次冇收錄既其他佳品

「背叛」、「心事」、「決定」、「忘記巴黎」、

「我不快樂」、「甜」、「沉默的縱容」、「兒童不宜」、

「女人本色」、「禁果花」、「無限」、「後遺症」、

「輸得漂亮」、「寂寞年華」、「馴悍記」、「顏色…氣味」

當然不得不提個38首mv啦

一句講哂無得彈~正呀~>v<

我愛您sammi~~~~~~~~^^

澳洲之旅

sa姐今晚飛去澳洲會情郎
今晚同佢食完dinner之後就同佢去機場
原本今晚去珊瑚堡諗住食羊
不過ceci想食pizza hut(好肥哦=_=)
但係有得食最愛既薯蓉千層麵就算啦(嘻嘻)
ceci食完飯之後因為唔想佢太夜返中大
所以唔駛佢送只係送到車站者
兩母女在車站分別時黎左個熱情擁抱
真係好sweet呀(^^)
在車上面同sa姐不停玩自拍
同sa姐真係玩得好開心
去到機場即刻去check-in
點知行李超重左10kg
最後好彩個好人哥哥肯超重7kg都俾寄倉
唔係就麻煩啦都唔知點拎上機
今次希望sa姐同john哥傾得掂數
sa姐經歷左咁多野
我真係好想佢可以有更幸福既將來

雖然我地黎自唔同家庭背景、唔同年紀

但係我地係一對好朋友

痴筋

今日tvb黎centre拍機構既週年特輯
拍左centre會員舞龍、九式、下棋同埋做訪問
我呢d咁低調既人更係留在counter唔好俾人影到(笑^^)
不過在個段時間同sa姐玩互拍
被sa姐左一張相~塊面好似發水麵包咁(=_=')

跟住搞掂哂就開始今日既staff meeting
我今日就係好頂個極品唔順
每次話要佢負責要佢做既野
緊有藉口推三推四
好心你啦~你有出糧就要做d野俾人睇啦
淨係識暗算人
打幾個電話又唔鐘意
負責聯絡酒樓又話麻煩
不如我幫你做哂佢出埋你份糧啦
個個都唔幫手做野
我帶組搞到4點9都唔幫下手整下野
淨你識坐在度吹水
又話要咁樣又話要個樣
淨係得大隻講人地一排雪莎就收買左你
真係頂你2個唔順(怒)

嚇死

今朝收到一個不相識既電話
電話傳來的係一個令我嚇一跳既消息
我知道有好多唔好既野發生左
但都唔可以用呢個方法去解決
真係俾呢個消息嚇到心都離埋
好彩係聽到你把聲起碼知道你冇事
我知道有野解決唔到又去到掘頭巷時
難免會有鑽牛角尖既時候
但係我識既你唔係一個咁樣既人
如果你做呢d事而又發生左d咩事
關心你同愛你既人都會好難過
我知道而家已經跌到落谷底
但係你要知道而家你身邊有一個好朋友在度
而且亦都有一個願意同你分享快樂、分擔苦惱既人
在任何時候都會陪住你既人同你一齊
你唔好再做呢d事啦
如果唔係我唔會原諒你架

The Devil Wears Prada

今晚去左睇"The Devil Wears Prada"
呢齣可以話係我今年睇過覺得最好睇既電影

之前睇預告時已經好期待

估唔到一睇之下比預期更鐘意

靚人、靚衫、靚景、演員好演技
有笑料、講既野有point、夠寫實
難怪會有咁多人買飛入場睇
最鐘意既角色係Meryl Streep飾演既Miranda
夠刻薄、夠霸道；將個角色演得恰到好處
最鐘意係同Andy講自己離婚個幕
就算幾硬淨、幾鐵娘子都會有人性既一面
而且最後更幫Andy達成做reporter既ideal
成齣戲留意到Miranda有句口頭禪
就係"That's All"；每次收聲之前都會講呢句
真係想講多句都唔得（嘻嘻）
成齣戲都有唔少意想不到既地方
的確係一套好片~^^
果然比原先我覺得今年最好既death notes更正
而家好期待11月既death notes 2呀~~~~~^o^

掛念

同老友已經好耐冇聯絡

因為一d事暫時冇辦法聯絡佢

開頭其實冇乜野既

不過耐左就有d唔慣又有d擔心

因為真係唔知佢而家既情況點樣

最後一次聯絡時佢有d野煩緊

唔知而家解決左未

以前成日都會傾電話又會一齊出去玩

而家冇得同佢傾又好耐冇同佢出去玩真係好唔慣~

冇左一個信得過既人傾訴

有時有d野想搵人傾

但係又唔知搵點個好

anyway~只要而家佢冇事既就得

其實都仲有方法搵佢既

不過要考考自己記性佢既地址係乜先得lu~

Make Choice~Don't LOOK BACK

今日去睇戲其中有一句對白係咁既︰
「Make chocie, don't look back」
我自己就好贊同呢句說話
既然係自己決定左既事
就唔應該後悔當初所做既決定
無論帶呢既結果係點樣
都應該由自己去承擔
呢句係成套戲最好既對白亦係唯一一句=_='
因為睇既係賽車戲但我就覺得似係爛仔戲
真係同上兩輯冇得比
勁失望~雖然開頭有妻夫木聰出場
不過人地賽車佢就著老西就好不倫不類
但係今晚去左粉嶺食dinner
雖然係遠d同埋係去椰X閣
但係就物超所值
第一︰d服務比任何一間都好好好好好多
第二︰d忌廉湯好正因為加左菜既^^

第三︰想食羊好耐架啦~今晚終於有得食~雖然原本叫既羊脾冇哂不過羊扒一樣掂

之後仲去左食好耐都未食過既藍珠果雪糕~yummy~正
但係點都唔及前幾日同elsa在旺角食既多士咁吸引
又大件又好味~

唔理啦~話之佢肥~一於放縱自己啦

why?????????????????

自從搬左去新site之後好多唔好野都接二連三咁出現
先係華dee唔做
跟住就係鼠患問題
各同事既脾氣差左
自己變得容易不耐煩
今日elsa同ic第一次吵大鑊
elsa堅持自己既原則
ic就唔滿意elsa既態度
第一次睇到呢個場面既我當堂成個人呆左
可能呢d係辦公室政治勾心鬥角既縮影
或者我真係唔了解出黎工作就會有咁既情況
可能係我無知天真以為真係會有一個開心既工作環境
自己由畢業後就做呢份工到而家
雖然人工係唔多不過在呢度做野好開心
而且亦都俾左唔少滿足感我
但係呢個月真係有唔少野都令我唔想再在呢度做
我覺得而家呢度既人變哂
我好唔鐘意咁樣
點解一定要斤斤計較?
點解一定要暗算別人?
點解唔可以開開心心咁工作?
點解?點解?點解?>_<

新的一天新的希望

經歷左一天倒楣日
尋日蘭蘭放假要幫佢整野
其實都唔緊要因為蘭蘭好好人
不過原來幫佢做野已經冇左一個上晏
之前又因為老鼠問題要將全部假天花拆哂落黎
搞到成身汗又累
食完晏返黎又因為出面既維修工程
搞到我地個office好似沙漠咁
煙霧迷漫、沙塵滾滾
放工幫elsa拎野俾ceci
諗住搭接駁巴士轉火車會平d
點知……張八達通壞左><(唔係丫)
去左中大諗住幫ceci拎完上車就落車
點知落車個刻佢就開車
oh no~~~~~~~~~~~~~~~~~~~
希望新既一天唔好再係咁
千祈唔好係惡夢既連續ar~~~~~~~~~~~~
不過可以食到自己最愛既有nuts朱古力
但係就好似痴線咁不停食
又要做多d exercise啦

something wrong

其實又唔係咩咁大件事既
只係自己小題大作誇大左者~
wrong one︰
唔知係遺傳定係內分秘失調
daddy由幾年前開始每到summer心口就會生痘痘
但係一過summer就冇哂事
今年我同細佬不約而同都齊齊出事
不過細佬生背脊我就生前面
仲要由心口生到去肚臍~天啊~好核突呀!><
而家用緊清除身體痘痘既T3沐浴露 未知work唔work
不過之前elsa介紹用特強無比膏採又真係好work
d痘痘謝哂咁滯 希望快d可以搞掂就好lu~
wrong two︰ 肥左~=_="
已經係幾個月既事
對手脾同對腳粗左
不過一直都唔呃、由得佢、不了了之
但係而家唔理唔得啦
而家多左個大肚腩、又有士啤呔、腰間既贅肉
oh my god~~~~~~~~~~~~~~><
由一星期前開始已經重新開始再跑番步
可能之前有跑開所以都唔係辛苦
而家keep住每日跑30分鐘~
有時可能個mood到就再跑耐d
希望快d去番舊年自己最fit個時啦

張相整濛左費事嚇親人^^~其實只係自己技術差=_='

卡哇依^o^

centre既會員帶埋個孫女黎
之前見佢只係手抱咁大
而家已經識得行識得講野lu~
之前佢好怕陌生人又唔多理人
而家就成日周圍走
又肯同我玩、又成日對住我笑
好得意呀~~~~~~~~~~~~~^_^
最起碼我個樣唔會嚇親佢~(呵呵)

人生

尋晚聽電台主持講到點先至係人生

人生應該係點﹖

以前從未認真諗過呢個問題

如果有人咁問我

我可能會答︰

「做到自己喜歡做既事

不往此生咁就係人生」

但係主持人講既都好有道理

人生得既唔需要好多

只要失既唔多咁就已經好好

佢又講得好?

有時失去既少反而比得既同失多好得多

失去得越少人生就越幸福

有時唔好太計較得著有幾多

咁樣人生就會少一樣煩惱

而且可能會有意想不到既事發生

幸與不幸

有時幸與不幸真係好睇一個人點睇
不過不幸到咁樣真係令人有d難以至信
如果我唔係親眼睇住成個過程發生
我真係唔信有一個人可以咁多不幸既野一齊發生
好似所有既野都係向住佢衝埋去
有諗過係唔係我黑佢呢
佢識左我之後就好似乜野都唔好咁既
我真係唔知點樣先可以幫到佢
我已經幫到冇可再幫啦
我成日都叫人豁達d做人唔好咁灰
其實我個人先係至最唔豁達
永遠都會作出最壞既打算
而家我已經唔知可以講d乜或者做d乜
唯有將一切自己解決唔到既交俾主
由主安排下一步應該點做

姐姐的生日

尋日係姐姐既生日
往年送左姐姐最愛既B女俾佢
不過……佢只係將佢放在一邊
都冇擺出黎既
可能驚佢封塵啦
姐姐又唔想我浪費
所以今年就親手送左樣野俾佢
之前Ling Ling生日時畫既puzzle
自己去左買一個新既
返到屋企由構圖到落筆之後到完成都唔駛10分鐘
我終於搵到自己最叻係乜啦
雖然唔係特別叻過人
不過呢個專長細細個就已經跟住我
只係去到中學就完全忘記哂
姐姐返到黎見到份禮物好開心
之後砌完由心笑出黎既笑容真係多多錢都買唔到
有時心意的確係比任何野更名貴

煩

而家俾好多野煩緊
真係勁煩爆
其實煩緊既野已經諗好左辦法點解決
不過好驚導致今次問題(之前我所作出既決定)
好驚我當初做既決定係錯
可能係我多心或者諗多左
不過我有咩都向唔好個方面諗既性格又再次出現
我真係好唔想咁樣
好驚會有咩事發生
雖然我已經作出左最壞既打算
但係真係唔想呢個打算發生
點解我要諗咁多野呀><
主啊﹗我知我好自私有事先求您
我唔奢求你為我呢個罪人解決呢個問題
我只肯求你可以為我分擔一些重擔
我知道呢d都係主您俾我既考驗
我請求主您俾更加多既信心我去面對挑戰

煩哪煩哪煩得不能呼吸
煩哪煩哪煩得沒有力氣煩哪 我煩哪
煩哪煩哪煩得不敢相信
煩哪煩哪煩得歇斯底里煩哪 我煩哪

祝我永遠失戀

祝我永遠失戀
曲：張佳添＠宇宙大爆炸/Michael Chang/Colin Chang
詞：黃偉文 編：方樹樑＠好人有限

我知　這麼下去 與你　肯定告吹　Oh Oh No

你與我看套戲吧　你與我跳個舞吧
我每日這樣對著空氣在說話

排演這麼多會更動人嗎 怎麼說至像情話

有誰能引導我　我疑團太多
先假設　壞結果　或者可狠狠教我

談戀愛的基礎　woo

如若我太婉轉　祝我永遠失戀

要講要趁今天 不過

無謂再不過 就算失手總好於繼續暗戀

如若我怕驚險　 祝我永遠失戀

以詛咒作起點　 迫我勇敢作戰

衝了先再算 至少醫好我弱點

好時辰不太多　一猶豫就過

想多了　就畏縮　問怎麼　可鞭策我

危急到　講清楚　Woo

愛情來了沒有　要求才會有

既明瞭愛侶難求別再太過害羞
世界每件事情不追不到手
好好享受苦苦忍受命運縱掌握我手

疑惑得久它會走

如若我太婉轉　祝我永遠失戀

要講要趁今天　不過

無謂再不過就算失手總好於繼續暗戀

如若我怕驚險　祝我永遠失戀

以詛咒作起點(情願狠一點)　
迫我勇敢作戰　衝了　先再算(不要臉)(爽快點)
亦至少　醫好　我弱點(膽小那弱點)
不想　永遠在怨　曾跟你　差一點

搞錯:@

citibank竟然連續寄一封信黎
上兩次都已經完封不動寄返出去
第二次仲在信封面上寫左並冇此人
今日又寄過黎
就算話我衰格冇品我都要拆開睇下究竟係咩一回事
好在我開黎睇下原來封信係寄黎追數既
其實之前都試過唔少次寄錯過黎
因為我同呢個人既收件地址真係差唔多
只係佢係G/F我就用NO
我有VILLAGE佢就冇
信中註明佢會搵追數公司
為左唔好有不必要既麻煩事發生
梗係即刻打去同佢地講清楚佢地寄錯地址啦
點知打去詐騙部又叫我打去CREDIT CARD DEPARTMENT
等左成10分鐘先有人聽點知又話幫我駁去另一個DEPARTMENT
又等多5分鐘先有人理我
同佢講左剩係話會跟進番件事同叫我寄返出去
既然佢冇咩特別行動令我安心
我一定會寄返封信出去
仲已經在信面寫明冇呢個人
如果因為寄錯地址到我屋企而引致任何問題
我一定唔會就咁算
都唔明點解成日都寄錯黎架(好嬲呀~~~~~~~~~~~:@)

識做

我同魚魚雖然唔係識左好耐
不過我地真係好fd
可能我地既性格同價值觀都好相似
仲有就係我地都係好重友誼
或者因為咁佢既另一半覺得我地之間有野
其實我同魚魚出街佢既lover都一定會在場
只係魚魚唔想出街時冷落我先成日同我傾計
我都明白佢lover既感受
咁梗係想自己鐘意既人個眼?只有自己
其實之前同個ex都有同樣既問題
因為呢個問題導致我地嘈過唔少次
我睇得出魚魚係好鐘意佢又好著緊佢
我好想佢地可以好好咁keep落去

所以我而家都唔會再成日都搵魚魚傾電話

同魚魚出街時亦會多d提醒金魚多d陪下佢

因為我唔想睇到一對互相相愛既情侶因為我呢個外人而有唔開心

奇怪

尋日辛勞過後出左旺角同另一位舊同事食飯
雖然只係同佢共事左半年不過唔係話好熟
而且佢都試過在我背後講我壞話（*_*）
但係我剛入行時佢真係好幫我而且elsa同ceci都去
雖然唔係好舒服但係最後都去左
我地去左意房菜食野
個菠菜螺肉忌廉湯好好飲^3^
薯蓉青口好正呀~^6^
我order左千層魚伴菠菜麵
d魚冇之前食咁鹹d麵好正~yummy(^o^)
elsa就叫番酥皮焗鵝肝牛柳水準保持~掂
arrow就叫豬仔骨墨魚餅併天使麵除左豬仔骨之外其他…=_="
ceci食韓國石頭飯我冇食過
不過佢地話d飯焦?得滯好苦
食飽飽傾左一陣就走啦
行左一陣忽然有個外籍人士走過黎
起初以為佢想問路或者想叫我幫佢影相（因為佢?住相機）
點知佢問我可唔可以俾佢影
ceci就問佢不如我同ceci合照
點知佢話分開影
但係影左我兩張相之後講左句國語"謝謝你"就走左
最後只有我唔知點解就俾佢影左相
可能我尋日著得太有style啦(嘻嘻……=_=')
或者佢地覺得我太古靈精怪先影我
希望唔好俾左個壞影像影響其他人對香港人的感覺
不過我係新界人唔係九龍人黎架
之後佢地就話影左我相會移花接木
遲d會在playgirl雜誌見到我
其實d外籍人士都係貪得意先影者
就算佢地真係會移花接木我都唔會mind
男仔之麻呢d野有乜所謂
如果係女仔就濕滯啦

生日會+歌唱技巧talk

centre今個年度第2次搞生日會
今次算幾成功啦
亞"靚女"可能因為ic在中心所以先肯幫手
雖然佢幫得好少不過仲好過搞到一鑊泡
不過今日又好似上次咁剩好多野
但係今次反而開心過上次
可能有左一次經驗
所以所有野都好似好順利咁（我諗=_="）
可能今次冇幫手執野就要帶隊出去
今日去灣仔聽麥潔文小姐講唱歌技巧既talk
不過冇乜實習又冇note感覺有d空泛（自己懶冇抄底point=_="）
江華都有黎佢真係好鬼瘦又好鬼黑，不過都幾nice~
麥潔文仲帶左三個徒弟仔黎；Alex、Monica同亞豪
Alex唱傷追人ok啦
佢既丹田係用得幾好同感情好夠
不過佢把聲底唔係咁吸引
Monica就唱償還
起初聽都唔差既不過唔知係咪想跟足faye既唱法
搞到有時走左音不過d高音位都掌握得幾好
而亞豪就唱半斤八兩同舊歡如夢
可能佢學唱歌最耐而且又在無記做野
所以好識得搞氣氛又有台風
三個之中佢唱得最好亦都運用得最多技巧
不過自己唱得仲差過佢地
其實都冇乜資格評論人地
但係今日聽過點樣運氣下次唱k都試下先
唔知下次點個會做受害者呢(呵呵^^)

但係呢排又肥左手脾好粗(><唔得啦)

要繼續努力先得啦（聽番首歌先）

打敗仗

今日勁唔舒服

其實都唔係今日開始架啦

不過今日就特別嚴重

上星期五已經覺得個頭有d痛

冇理佢之餘仲星期六同朋友玩通頂

攪到星期日中午先訓覺

尋日就開始覺得暈陀陀

所以尋晚就早d訓同埋食左藥

但係今日都係勁唔掂

個人勁?又勁包雲吞

好辛苦~~~~~><

點知連個fd都同一命運

不過佢就嚴重過我好多

因為佢都病左好耐

叫佢睇醫生又唔去

又成日唔多休息又唔多飲水

希望大家都可以快d好番啦

Ling Ling生日

已經有成9個月冇見亞LING啦

同佢在2003年識既個時佢入黎centre做SW

雖然唔係識左好耐但就好快熟落左

個時知道佢唔可以再一齊工作仲要同一個超過麻煩友做同事真係勁唔捨得

不過而家知道佢有一份好既工作又有一位好既男友都好替佢開心

其實原來上個月佢生日就約佢出黎玩

點知當日橫風橫雨攪到要cancel

仲要延誤左成個月先可以出黎玩添

個日仲專登換個新look仲第一次親手整個靚扣針親個新look

點知………>_<

elsa買左一個空白既puzzle我就負責畫一幅圖畫

諗住送俾佢做生日禮物

原本幅草稿係好正架點知畫落去=_="

仲要d水筆成日都冇墨

不過好彩最後到搞掂

但係畫好之後準備見Ling Ling時

竟然發覺自己個扣針唔見左其中一個飾物>o<

仲要呢幾日都成日唔見野

我真係勁大頭蝦真係好冇用

不過算啦~個日大家玩得咁開心

壽星女又咁鐘意份禮物都值得既^^