洪卓立

一個勁白白淨勁小朋友
第一個俾我既感覺真係唔多好既新人
再加上佢既公司係英皇就....
不過佢把聲的確同佢outlook好唔match
佢把聲勁似eason加師兄
聽過佢唱歌真係完全改觀
唱歌技巧唔錯而且都好有感情
作為一個新人佢既歌真係好唔錯
唯一既缺點係太大路太保守
大多都是慢版或者中慢版
主打歌"愛．無膽"、"苦行憎(Night Mix)"同"愛別等"
都係唔錯而且幾k歌，應該會在k場幾受落
"思路"呢首歌全碟最特別因為係pop-rock
不過唔算好聽，d詞仲怪怪地
自己最鐘意"我可以說不"
呢首歌都好k歌下，不過真係幾鐘意
可能d詞寫得幾似自己咁
只係呢首歌d音總係好似曾相識
唔知似邊首歌咁......................

The War at Home

一套來自美國的短編笑劇
講述一家5口子的日常生活
如何的混亂、如何的瘋狂
爸爸Dave是一位認為三名兒女都是意外的
只寄望三名兒女升上大學時
往宿舍居住就是人生的最大希望
媽媽Vicky非常惹火也非常搞笑
不過很愛自己的三名兒女
但就有點兒........有機會自己看看
大女Hillary的性格與時下的香港少女一樣
經已到了反叛期的她竟是.....
很多時對父母總是這麼不滿、那麼不滿
大仔Larry絕對係多個角色中最引人發笑的一位
他非常sissy不過他是直的但Dave就經常認定他是Gay
引來不少的笑話而他的小動作更是一絕
三弟Mike應該是三個中最聰明
不過經常聰明反被聰明誤而他亦都是一位小色鬼
雖然劇情無聊兼滑稽不過不失為一套好看的小品
每一集都可以令人發笑的作品，真的是看多多也不討厭

長途電話

收到了一位海外朋友的長途電話
其實是去年的最後一天才認識他
不過不知何故卻跟他很快稔熟
與他就與魚一樣很快地成為朋友
今次的對話可算是我們的第一次
因為認識這麼久也沒有這樣通話過
也許是認識他兩個月左右他就離開了香港
知道他近日有了感情的煩惱
與他談話間詢問他的近況也不願多提
既已知道是怎樣也不必要查詢得那麼詳細
知道他沒事就好了要是他想說他自然會說
大家談的大多是茶餘飯後的話題
也有談大家的事業與學業
雖然只是談了短短的半小時
不過真的很開心也非常期待他的回港
屆時一定與他四出購物、四出.....嘻嘻

收到了~收到了~

上星期於網絡上向海外網站訂購了書籍
原本諗住應該要一至兩星期先收到
估唔到6日就收到了~真的好開心^^
今次買了6本書有一半係諗住唔好睇既
不過未睇過個心又想睇
未睇過我係一定唔會心息既
而且呢三本係最平個三本
平均一本都係廿幾蚊~ok啦就試下啦
原本諗住唔好看的有2本都不俗
而另外既就有一本既作者已經之前睇過既
今次既作品比預期中更好看
下次再小心選擇慢慢揀~好開心哦~呵呵呵
另外託人代購的書籍因為要入倉搵
仲要再遲d先可以寄到香港
希望快d就好lu~好心急呀~><

後遺症

Timmy–一個充滿神秘感的人
或者有人知道他是誰
亦有很多人根本不知道他是那一個Timmy
因為這個名稱真的是很普遍
我說的是一位網絡歌手
一位於網上發佈自已包辦曲、詞、編、唱的全能歌手
對他的認識不深只知道他是某唱片公司的工作人員
起初是由姐姐介紹給我聽的
但後來就變了自己不停找尋他的作品
他的作品全都是以慢歌為主的
不過他每一首歌的詞都能令我有所共鳴
「宿命悲劇」、「趕你走」、「時代門外」、「臨別擁抱」...
近日推出他的第7首個人單曲–「後遺症」
說真的今次我覺得水準下降了
沒有像過往的作品令我很喜歡
不過今次的詞同樣精彩
一如以往刺進入我的心窩
雖然他是業餘的不過我真的覺得他的音樂很捧
比起現時不少的所謂男歌人更好
希望將來能聽到他嘗試不同的曲風

你是灰色的

傅穎–係第三個獨立推出唱片的前Cookie成員
由九位到剩下四位，Theresa一直給予人的感覺都是...
靚，不過聲底不好跳舞也不算突出
但由四位成員時候開始Cookie令我覺得她們似SPEED
Kary是Hiro–最唱得但樣貌就.....
Stephy是Eirko–有樣貌而且唱歌不俗
Miki並不特別似SPEED的某位成員~
而Theresa就是Takako–最靚但就唱歌一般
而且她們的聲底都是沙沙地的
雖然自己都頗喜歡Stephy及Kary的作品
不過有時她們唱得並不是太好
只能說就是她們選的曲真的是很好的
不過捱了多年頭Theresa終於出個人EP的她
的確給了我不少驚喜，她的唱功真的進步不少
或者做了扁桃腺手術聲線也沒有太沙啞
而且Theresa的高音位的確不俗
都不失為一位人靚聲甜的女歌手
而此專輯我沒有全聽過不過有一首我真很喜歡
這首歌唱得一點也不像Theresa的聲音
但聆聽時卻很有畫面而音樂也很好
這首歌叫作"你是灰色的"真的很好很好

Surf's Up

一套講企鵝滑水既勵志動畫

講真....開頭真係悶到發癲

不過講Cody第一次滑水跌落去個下

仲要連續play back三次真係笑爆咀

之後Cody向Big Z學滑水先至開始好睇

Chicken Joe搵Cody時既爆笑白痴野都唔錯

套戲帶出友誼既重要訊息

其實仲有其他正面既訊息不過等大家自己發掘啦

不過成套戲最鐘意睇三隻小企鵝

超級kawaii~特別係右邊個隻超得意^^

其實套戲都做得好逼真

特別係d毛毛光澤同埋d波浪

如果開頭唔係咁悶真係幾值得推介

發夢........

已經好耐冇發過夢lu~
尋日同今朝都發左幾個夢
先係尋日朝跑完步
下晏休息時訓著左發左個夢
夢見自己搭的士....然後被告白
跟住醒左.....=_='再訓番
又夢見佢不過今次已經戀人=_='
但係根本唔知佢係邊個
只係知道佢高過我同埋係瘦既
最騎呢就係呢個夢入面同mi合唱左首歌
而首歌係「唯獨你是不可取替」
不過唱時就唔見左呢個夢中戀人
今朝再發夢夢到一d朋友一齊行街
之後......................................
總之就係有幾奇怪得咁奇怪啦=_='''''''

雯女的見證

20號晚在Sa姐既邀約下
與清清一同去了聽一個叫作︰
「師奶唔易做」既音樂佈道會
今晚見證既係...
自己好欣賞既其中一位女演員–鄧萃雯
今晚佢講既有好多自己既過去
亦都講左唔少我令我好buy既point
其中一個係講戀愛
拍拖既人就好似兩個人訓在床上
但係只有一張單人被
而張被就係「愛」
當你想要愛既時候就會扯張被
但係另一方又會唔夠愛既時間又會扯被
每當唔夠愛既時候就總會想在對方身上索取–愛
人總係自私既只想人地不停地給予愛
但就往往保護自己只想自己而沒捐出愛
當然咁講係想繼續講當信主後會有所不同
願意去愛其他人愛人及己
當有主去愛我們、去保護我們
那我們就有所存在意義
冇需其他人既肯定或否定
今晚其實真係令到我覺得好warm
大家既團結大家既passion真係好好
牧師既灰諧令到佈道會不乏神既話語外
更令大家有不少既笑聲
而場所更是自己的舊校
來到充滿過往讀書既回憶
而今晚最搞鬼都係唱詩既男leader
竟然係眾多觀眾面前公開和自己媽媽是兩母女
突然既come out~我真的是要恭喜他~「你出櫃了」嘻嘻~

大頭貓貓

wellcome而家搞緊換領大頭動物系列

之前唔多去所以誤以為得個印花

個時仲心諗要個大頭動物印花有咩用呀???

今日同Sa姐去wellcome時.....

oh my god~so kawaii哦

d貓貓真係超過可愛超正

有自己最鐘意既貓~波斯貓~好得呀

不過要儲咁多個印花~而且一個仲要成50元

唔係單買要成200元真係太唔抵啦

不過得唔到反而仲好可以得閒走去睇下

滿足一下自己又唔會嘥錢兼唔會換左唔知擺去邊~嘻嘻

蜈蚣先生

每朝如常地早起往外跑
跑完蛛如常地做sit-up時
今早媽的一聲大喊「有蜈蚣呀」
一點先也不覺得奇怪
住在鄉郊、家中不少的去水位
有這種「先生」光臨也並不罕見
一手握著舊有的重約12磅喔呤
沒有眼鏡的我朦著眼一下擊過去
打中???不是，打歪了
向媽提出替我把眼鏡拿來
看清楚........再攻擊
之後拍的一聲再有一團污物攻擊我的腳
幸好有一對襪仔保護了我
雖然它壯烈犧牲不過它是值得的~

4: Rise of the Silver Surfer

終於都係尋日睇左第二集
我覺得冇預期中咁好睇
可能因為第一集做得太好啦
終覺得呢集4位主角既戰鬥太少啦
或者畢竟今次既故事係有關於Silver Surfer
不過最後Human Torch合一所有同伴既力量
搶走Dr. Doom從Silver Surfer偷左既力量泉源
個part我覺得係成套戲最正既
但係總覺得每個演員都好似有d唔同咁
但又講唔出有咩唔同...=_='
不過成套戲得90mins就少d囉
通常呢d戲起碼at least有120mins~
雖然係短d但係好彩都冇咩悶場
節奏明快反而笑料就少左失色左d啦
不過都係一套值得一看既電影^^

水人

搞錯呀~駛唔駛咁熱呀
今日著左件白shirt
由屋企行去巴士站已經成身濕哂
個背脊真係濕到離哂譜
好彩前面件shirt既design有多一層
唔係就.....................................=_='
今均真係水人一出誰與爭峰~
怪就只好怪現今既人太唔識珍惜大自然
極速嚴重破壞生態大自然
好快就會連冬天都冇
咁究竟會唔會有《明日之後》既事情發生呢
呢個世界到底會變成點呢~~~~~~~~~~

重溫

打敗仗....好冇用
不過今日centre都冇咩搞
幫襯下醫生哥哥當俾自己休息下
趁在家休息睇返以前幾鐘意既動畫
~魔動王~真係幾好睇架
尤其自己最鐘意既風飄俠
總之就係型、英、帥、靚、正~呵呵呵

雖然駕駛者係又肥又矮既卡斯
不過佢真係幾搞笑^^
在家中睇到一d野腦海中浮現左一d畫面
但係一切已成過去唔會再返轉頭
其實過去既野就隨它過去
回憶–或者咁樣先係最好既

避難所

身旁不少友人與家人的關係並不是很好
他們各有各自的故事
有人因上一代的關係也有人因下一代的關係
雖然自己並不是出生於一個富有家庭
有喜歡的東西雖靠努力去換取
甚至乎有些多努力也不能得到
但這個家的關係還是滿融洽的
爸爸其實頗有脾氣，以前經常有不如事就會大發雷霆
不過現時已沒多出現這情況
大多數時間一家人也像朋友玩耍
媽媽是一家中最辛苦的
不論任何天氣均做各樣的家務
勞勞碌碌年中無休但永沒怨言
媽媽是家中我會唯一撒嬌的對象
她是一不出聲一出聲就足笑到死的人^^
姐姐是家中經常被我與弟弟取笑的對象
雖然很多時有爭執不過第二日永遠都像沒事發生一般
與弟弟的關係像朋友一般
兒經常一同玩樂一同看戲一同說笑
與家中各人的關係也很好
有人說家就像一個避難所
而這個避難所永遠有事沒事也為我開啟
從來也沒有拒絕我遠離我
它是一個充滿歡樂、溫暖的避難所
說實話………我真的滿喜歡的^^

好鬼煩

今日放假係諗住休息
而家俾人搞到好鬼煩
同今朝播既Doremi劇情一樣
Doremi入面我係最鐘意音符
原因好簡單係因為我鐘意紫色
不過估唔到今日佢既遭遇會同我咁相似
算啦你地唔好再嘈啦
乜野都係我做既係我唔啱係我唔好
我係衰人咁得啦唔好再煩我啦
求下你地啦~LET ME GO!!!!

天生購物狂

近一個月不知發什麼神經
不停地購物用錢用到好似倒水咁
在大陸做衫、買衫、買褲
在香港買衫、買褲、買鞋
單買書已經用左成幾百蚊
雖然用左好多錢不過真係買到好多心頭好
有d的確係好member feel
或者係個款或者d色或者d料好女裝
不過真係好型而且自己真係好鐘意
咁實有人鐘意有人會唔鐘意
不過最起碼除左自己之外都有不少人覺得靚
單係有人欣賞已經令我覺得好開心
連Sa姐都話我係天生購物狂
呢樣我認架我一向都鐘意行街shopping
只係近呢個月真係好瘋狂
不過真係用得幾開心
但係要節制自己唔可以再係咁成日買
唔係就會............>o<

"男工"夫人

朋友情侶又再次出現問題
從而得知一些事件
作為旁聽者我不會多口
他們各有觀點各有理論
不過我而中立者說了一些事情
我不會偏幫任何一方
只是說一些中肯的說話
希望他們都能冷靜下來慢慢思考
盡自己最大的努力去解決問題
我知道他們都是很愛對方的
也知道他們為對方改變了很多
希望他們會平心氣和去找出一條出路
被四娘給予了一個別名–南宮夫人
專門為感情有問題解決的人
不過我的南宮是"男工"=_=........

新衫

之前在大陸做既衫呢兩日著左
件香檳色小背心著左有唔係咁差
加上淺色既tee好突出到件jacket
又好似幾型咁而且隻色真係好靚
不過都係有少少地方做得唔係咁好=_=
件黑色shirt真係幾正
專登加上金色tie仔在面~嗯嗯
不過唯一係個袖太長啦
一定要摺起先得但係又成日跌~好煩
仲有一件紫色shirt遲d Sa姐幫我攞
希望今次會改得好d啦~因為真係好靚架
唔想因為個袖搞衰哂><

夾心餅

朋友情侶間的關係
令我慘變了夾心餅
他說他的不是不是不是不是……
他說你的什麼什麼什麼什麼……
他來電時他也來電
我也真的不知如何是好
他們已經一年多了
但問題由一開始已經有
問題的複雜性由低到高到有
他們的問題我不方便插口
朋友來電時只是聽他的苦訴
也會給予一些安慰他的說話
對他們我只是說要為自己打算
作出一個對自己好的決定
戀愛是應該開心的，但他們......
如何解決–決定權是他們
無論怎樣我也只是會支持
但真的希望不要有任何不好的事情發生
希望他們能是冷靜、心平氣和去解決

真的是....

對不起，我們真的是不可能再一起
我知道你是很愛我也是真心的
不過事情發生了是不可能回頭的
我知道我很狠心但我不想去欺騙大家
我並不是一個你值得去愛的人
請不要為我去改變甚麼
我更不會要求你去作甚麼
只希望你懂得愛自己
珍惜你與摯友間之友誼
珍惜你與家人間之感情
………………………再見

一晚

已經有一年冇同過老友落Bar
今晚一齊落去大家都"驚"......"嘆"=_="
去左大概兩個鐘就走左
在上面唱左kary既"逼得太緊"同fiona既"886"
原本唱埋"滾"不過唔知首歌走左去邊=_=.....
走左之後去左茶餐廳食野
大家share食左個咖哩斑塊炒麵~好味哦
之後再在銅鑼灣就圍行再搭車落旺角
繼續行雖然行左好耐不過我地覺得一路一路傾計仲好
在bar根本就傾唔到又唔知點咁
我地都決定下次一係俾多少少錢去跳舞
再唔係搵個地方大家飲下野傾計
因為今次大家都order左long island
唔知點解好鬼勁~老友飲左幾啖就頂唔順
我飲到一半好頭暈所以就冇再飲=_=
不過一路傾計到天光一路行又幾過癮^^

再度回歸

今日放早上左去攞衫
諗住冇咁多人點知都係咁鬼多
去到有個著得好光鮮既亞嬸
打尖不得止仲係咁喝前面既婆婆
真係超cheap到爆，心諗「Bitch」
去到商業城拿拿聲去攞衫
點知……做三件衫得一件係得既
最大目的既淡金色背心
真係超唔惦好唔開心呀
件紫色shirt個身就冇問題
不過個袖勁唔惦好寬呀
要留番俾師傅再執下佢
得一件黑色白點既shirt先可以收貨
仲諗住會再做衫而家唔做啦
件black係ok既不過都係費事啦
返到hk即刻去睇下其他shop
去番之前幾like既ISO有d新貨都唔錯
最正既而家50%~買左一件紫色polo
白色shirt、紅色tee、一條tie
同埋搵左好耐既白色短褲
總算都有d心頭好搵到既~
陣間出街希望去得成啦
老友個邊都未知得唔得
去到就癲返晚去唔到就訓飽佢~

THX~GOD~

流左保守估計over48小時血既傷口
終於尋日換膠布時冇流血啦~好野~
雖然都仲係痛不過冇再流血就好啦
睇番個傷口其實唔深不過真係幾大範圍
總之而家冇事就ok啦
尋日第一次用可畫衫既顏料畫衫
之前買既背心太長自己剪短左
不過見得白色太單調索性攞centre既顏色加幾筆
原來咁樣上色真係幾難
所以都係以簡單既線條為主
估唔到個效果又幾好
而家真係好想買多幾件淨色既衫畫下
oh~thx god~~~~~~~~~~

不幸

香港回歸十周年對於我呢講超不幸
7月1日一早跑完步沖涼
不小心被剃鬚刀界到左手手指尾
好似批手指咁><
d血係咁流好似唔駛本咁
到而家個傷口都仲痛仲流緊血
不過已經好左好多起碼個傷口d血冇流得咁勁
7月2日同sa姐唱k
之後去左九龍塘一間新shop既旗襤店
排左一陣隊入到去無耐sa姐就要走去搵佢個女
得番自己一個獨自睇衫睇左好耐之後....
傷口再度滲血咩mood都冇哂
勁想返屋企換膠布><
原本諗住買衫之後出旺角搵老友間野食dinner
真係勁無癮好彩今日個傷口好左好多
總之71回歸就真係........唉