扭蛋

頭先食lunch經過模型餔
見到一款新既disney扭蛋

入面有我鐘意既donald、有sa姐鐘意既marie
同埋有iris喜愛既winnie the pool
咁好彩散紙包有3個5蚊
諗住博一博試下啦
第一個係winnie the pool~正
第二個係marie~好野~~
到第三個滿心期望係donald....點知><
唉....我成日幫人抽既都會抽到佢鐘意既
但係我就成日都抽唔到自己想要既
或者上天就係俾我呢種幫人抽既運氣
見到人地開心自己都開心而且幾有滿足感~嘻嘻

ANTM

由第一輯開始已經會追ANTM
今輯既model算係可以話有番d質素
不過我都係覺得第一屆最好
但真係出得越黎越密=_='....
今屆cycle8係咁多屆最好多媽媽參加既
足足有3個（Renee、Natasha、Dionne）
今屆其實我幾睇好Natasha
雖然佢個背景幾複雜而且d英文又唔係幾好
(佢住左俄羅斯19年同埋有個40歲既老公)
不過佢有一種好特別既氣質
而且佢而家影既相越黎越有水準
同埋佢好樂觀會將人地既批評變成好野
但係我成日睇好既都攞唔到冠軍既><
cycle1︰Elyse(排第三)而家在香港發展~yeah
cycle2︰Shandi(排第三)做左DJ
cycle3︰Yaya(排第二)做model亦拍左"舞出色"
cycle4︰Kahlen(排第二)冇簽約但就影過好多fashion雜誌
cycle5︰冇個鐘意
cycle6︰Joanie(排第二)做左model
cycle7︰冇個鐘意
但係我深信佢地在model界一定會有一番作為^^
今屆Brittany個勢幾勁不過進步唔係好多
Renee剪左頭髮之後真係成個model
佢係好靚不過d相水準唔穩定而且份人幾.....
Jaslene好瘦不過我覺得佢d相好靚
如果三強我希望係Brittany、Jaslene同Natasha

病

過去既一個星期真係好多人幫襯dr.
上星期六帶隊去大球場有一個會員不適
返到centre同左另一個會員陪佢睇dr.
之後為左安全起見個晚入左院
不過最後都冇事星期二出院
但係星期二我同dick都唔舒服
我地齊齊請假~個日centre真係唔知搞成點
只係知道放假既sa姐都要消假返去幫手
咁又係既~個件扒王平時咩都唔做
一下之咩人都唔在office實騰啦佢
就連另一間centre既ken都病
真係好多人病呀~~~~~~~~~~~
病個日真係好辛苦~><
頭痛兼頭暈、鼻窒、喉嚨痛、又多痰~
到而家都仲有少少唔舒服
今日到家姐唔舒服要睇dr.
連BB都有D唔係好舒服

我諗都係我傳染俾佢地多架啦

唉...................................

アイシールド21

唱k小魚仙終於都做完lu~
鐘意聽d歌但唔多鐘意睇呢套動畫
在半追半唔追情況下算睇完左~
黎緊無記會播既一套唔記得個名~好似係"XX21"
如果我冇估錯應該係アイシールド21

我之前都有睇過呢套動畫
係講美式足球既~都幾好睇幾搞笑
主角瀨那係一個幾軟弱既人
甚至已被標籤為弱者經常被同校既人"恰"
不過佢卻有一個秘密就係學校美式足球隊既救星
背上有21號既神秘球員~佢既短跑速度係好快架
就係咁被泥門惡魔蝙蝠隊既癲佬主腦–蛭魔睇中
以要脅式既邀請方法請佢入隊~(應該係屈先係)嘻嘻
同隊有個栗田係一個大肥仔~有個栗子頭
勁大食~勁大力~勁白痴~勁搞笑~勁頂癮~
在日本已經做到百幾集啦~都算係一套幾好睇既作品
但係好驚呢套咁好睇既作品會被D配音搞衰哂
NAURTO已經係一個好好既例子~
鳴人把聲....令我諗起花師奶=_=".....................................

收藏品

已經有一段好長既時間冇整理過自己既珍藏
即使之前已經買左好幾套都冇開過
只係包好就咁擺左在一邊好耐、好耐............
終於趁住上星期既weekend整理一下
大細箱都重新再擺位亦都換左一d新既入去
大箱而家有one piece、naurto、bleach
one piece換左新既zoro、robin同nami(好靚)
bleach換左入去既係一護(虛化)、冬獅郎(卍解)
同埋兩位副隊長~修兵同吉良(始解)
細箱就冇新野入去不過就換左同之前唔同既入去
而家有唱k小魚仙(7位)、小忌廉、布子
sailor uranus、neptune、mercury、black lady、人形luna、
聖鬥士~瞬、一輝、冰河同紫龍
不過執下執下唔經唔覺就搞左成2個鐘
但係見到個成果咁靚都好開心~^^

逆光

Stef呢張新公司既新album係一片是非中推出

不過請大家留意既係歌曲唔係新聞

主打歌"逆光"係一首好有picture既作品

令人聽到好似真係感到有一道強光一般

"夢遊"係一首好古典既作品stef唱得好有小童既佻皮

"我懷念的"同"需要你"都係較大路既作品

不過歌者既表演令人好有共鳴

好似在心中刻畫著一幅幅既畫面

"安寧"係我自己成隻碟最鐘意既慢歌

成首歌同歌名一樣都俾人感覺好寧靜

但係每次聽都會有一種好sad既感覺

"咕嘰咕嘰"絕對係自己成隻碟最鐘意既歌

歌詞好有趣、尾段加上RAP、歌曲快慢交替令成首歌都好豐富

好期待Stef黎緊既903拉闊

雖然自己冇飛睇唔到不過我相信一定係好精彩

難民日

4月7日同BB及幾位友人一同北上"拆"骨

本身雖然有少少唔舒服不過都半路又冇咩事

"拆"左成2個鐘頭骨真係骨都散哂........

跟住去左小肥羊食Dinner~~~~~~~

未到門口已經聞一陣陣羶味~

唔知點真係覺得好鬼香~

d碗碟都有小肥羊個logo~好卡哇依哦

今晚既全羊宴~超正~

個湯底真係勁似"媽咪麵"個包胡椒粉

d羊肉、炸竹生、鱔、羊肉卷都好好味

不過自己成晚最鐘意係"韮菜合子"~很好吃(國語)

但係都走時就好似走難咁~多人都丫.......=_="

返到香港搭的士又搞左一輪

好彩最後搭到既的士叔叔好nice~

不過下次都係唔好選擇呢個時間上去

唔係真係一個字~~~~~~~~~慘

究竟發生咩事

今日都唔知做乜鬼
做咩都唔順利~做咩都好似錯咁
一早跑完步返屋企打左幾個咳嚏者
駛唔駛鬧人痴線呀~你尋晚嘈住我訓覺我都未話你啦
等大小姐換衫仲要搞鬼成咁耐
好聲好氣問你借張卡者駛唔駛話人呀
我一早俾返你啦又話我冇俾你
最後咪一樣在你銀包搵到
臨出門口帶條頸鏈又發現個扣唔見左
今日又著得鬼死咁娘~我咩換條褲ar~著老牛咪算囉~~~~
天呀~what's the hell~~~~~~~~~~~~~
好彩今日負責賣飛條數冇錯
衰婆sa姐又做d勁頂癮既動作~kakaka
總算心情平伏返lu~~~~~~~~~~~~