深圳行

今日與sa姐往國內走了一趟
今次行程最大既目的就係我去做衫啦
前日在尖咀睇中左件jacket
真係好靚架不過個價仲靚
而且真係唔抵所以就冇買到
sa就提議我不如上去度身做一件啦
所以今日就上左去啦
去到第一時間去買布先
原本件jacket係白色加銀白色
不過買布時發現左一塊雙面布
係金色既~一面深d一面淺d
最後決定用呢塊布做件jacket
希望做完會似個件jacket咁而且用呢隻色一定型爆
仲做多左兩件shirt~一件紫色一件黑底白點
圍埋三件衫料加手工費平均都係百零蚊一件
如果做到心目中既款式一定抵
不過一日未見到都唔知會點希望會好啦
如果好既一定在攞時再幫襯
其實原本仲有d衫想做不過sa姐話住呢三件先
睇左製成品再決定~嗯....啱喎
費時到時件件都唔合心水就濕滯啦
最搞野係走時個做衫師傅話我.....
「15歲」
下=_='....我著得sporty者~都未至於變到咁細個
今日仲左街街買左一條短褲
呢條褲就型囉白底金色花紋
著起勁正而且個價又ok就買左
點知去左呢間shop既分店竟然仲平
我同sa姐講唔緊要都係10元者
我豪俾佢不過佢唔駛旨意再有幫襯囉
今日行左成日好攰哦~不過都收穫豐富
多謝哂sa姐咁熱都陪足我一日
仲要佢帶兩梳蕉返屋企
不過返到香港都有慰勞佢請佢食雪糕
仲幫佢改左三個新花名...哈哈哈哈哈哈哈哈

講價

生平第一次同人講價
話說尋日臨走經過女人街
記得家姐話有間賣老翻波鞋既
佢地d貨做得都幾真咪過去睇下
睇中左兩對跟住問下價錢
嘩~咁貴既~不過我都未出聲佢就話平d俾我
我問可以平幾多之後佢就即減20元=_="
之後我就再嗌低d佢即刻應承
其實應該仲有得再平d既
如果唔係都唔會咁容易就應承
不過話哂都係自己第一次講價
以前都係同行既友人幫忙
自己一向覺得個價ok既都會由佢
不過有得節省一d都好呀
可能講價高手覺得我好渣
或者今次都係做左人地水魚
不過話哂平左佢講第一價時20%
算啦~同埋最後成交價我覺得都ok
同埋自己真係鐘意對鞋~
下次再努力講價、講價.........

有d頭痛添><

今日去一位新朋友的生日派對
先到"住家菜"有個飯局
第一次去呢間食野
好似好巴閉咁有好多人排隊
不過d食物又真係都ok既
之後去好耐冇去過"搜尋"飲野
對上一次去已經係半年前既事
其實今晚去到幾悶下
因為自己性格關係
同新相識既朋友未有咁快玩得埋
可能因為老友唔可以黎啦
唔係一定會玩到好鬼癲
不過主人家都好take care我
成日都會問下我點又會介紹一下我
起碼唔會令我覺得自己係搭枱咁
原本諗住飲普通既啤汽水
最後大伙兒叫了芝華士一齊飲
其實溝得好少~陣味有d似long island
不過就淡好多~所以都飲得幾多下
亦都有飲到紅酒~最後覺得個頭有少少痛所以就走先
其實自己一向都唔易醉
極其量都係飲多左會有少少頭痛
不過只要食番條banana就會冇事
唔好唔信呀~真係好work架
因為飲多左會頭痛係因為酒精在身體既其他器官扯走左水份
之後d器官又在腦再扯走d水份先有頭痛
食banana就可以最快補充到
我試過幾次都冇問題~真係一個幾好既方法^^

ONE PIECE

又再購入新既One Piece盒蛋

今次既款式係依據遊戲既造型既

我覺得真係超型~超靚

其實呢款同平時買個d既size較細

而且仲一樣價錢~(咁貴架)

不過我都覺得值得喎

因為真係勁靚而且6個款式都超得

我覺得最靚係Chopper同Nami真係好似

Luffy同Sanji都唔錯而且個look好型仔

最鐘意既Robin同Zoro反而個樣唔多似

不過都好靚好鬼型~Robin仲勁sexy添

要快d再執位放佢地入去show出黎~嘻嘻

完成了~

今日幫手既活動總算平安無事
呢次活動係第一次代表中心出去開會
第一次負責統籌、第一次in-charge咁大型既活動
雖然只係入面既其中一part
不過真係勁鬼死騰雞
之前個幾個星期幾乎一星期開一次會
今日之前不知幾緊張
因為真係好驚出事做錯野
話哂咁大型又代表中心
不過好彩最後都一帆風順
順順利利~雖然有少少野衰左
不過總算一切ok~嘻嘻
我諗下次再有機會做時會好少少
在呢行又再學多左野^^

分手了......

對於呢個決定請你原諒我既任性
原諒我既自私、原諒我咁狠心
請你唔好責怪自己成為今次既原因
可能我真係唔夠愛你去接受哂你既野
分手係我地兩個都有責任
呢個時候我真係唔知可以講d咩
希望你可以盡快恢復過來
我同你口中既荀野的確係一樣
係唔值得你為我咁傷心
我相信你一定可以搵到一個比我更適合你
更愛你、更了解你既人.................
~~祝你快樂~~

宿命悲劇

我的角長在頭上
你的背上有一雙翅膀
我們的世界永遠不一樣
向著不同的方向
生活在不同地方
你鼓起勇氣過來一看
可是我發現是一種負擔
我沒有你的勇敢
我是月亮你是太陽
我在地獄你卻在天堂
我的眼睛沒有淚光
你可以流出一個海洋
只有悲傷沒有希望
你卻帶著幸福在身旁
不能地久不能天長
不要對我充滿希望
我曾經想過要海枯石爛
也曾經向大海許下願望
你我曾經對愛充滿希望
可是我們錯在哪一個地方
我們是一個宿命悲劇
我改變不了我們的命運
無奈接受分開結局
最後回去愛情的地獄
我承認無法生死相許
我改變不了我們的相遇
我們注定這世不停的找尋
讓我們背著離去

點解你要咁樣做

當你坐在地上哭後再離我而去
望著你離去、你的身影逐漸變細
我的心突然一片空白
隨著身體不知何處發生問題開始抖震
當你第二次離開後身體再次出現問題
好像哮喘一樣不停扯氣
你知道嗎﹖我真係好討厭你有問題唔去正視。
好討厭你唔去解決。好討厭你隨便找個藉口推卸。
好討厭你懶偉大以為分手對大家都好。
好討厭你係都要我即刻做個決定。
好討厭你成日都諗清楚個後果就做。
好討厭..................................................

我都係.........

你同我講話今次既行程你幾開心
你問我開唔開心~我笑笑口話:「幾好」
對唔住，我講左大話~其實我一d都唔開心~
對於呢次既行程我係好失望
失望既原因唔係上船時同一大伙國貨一齊
唔係冇大餐食、亦唔係因為架船好「浪」
我同你一樣都係好期待今次既trip
亦只係有一個目的希望我地可以更close
但係我真係好失望~我知你唔想

我知有d野係唔可以勉強，不過已經唔係…
到走時一個人聽住音樂，耳邊傳來的是…"愛情萬歲"
「愛情存在輿論性承受這批鬥與你笑著革命……
我若能擁抱你已是險勝……
謠言裏 人潮裏 尋求我幸福至少無罪……
未似對正常情侶 你我縱是殘餘弱旅 頑抗愛下去……
世上如何孤清 對望仍然溫馨……
彼此不必世界的嘉許只想講生命至少也許
每人亦有最珍惜伴侶旁觀的怎麼拼命插嘴潑下冷水……
曾難過 曾憔悴 尋求我幸福更加無懼……」
我真係好想我地可以愛情萬歲，但係…
"紅綠燈"「明明綠燈 轉眼變成紅燈……」
我地明明有機會更好，但…卻步了
"黑白照（改篇版）
「愛你教會我忍耐 自盡後又活過來
我看我太過鎮定 未夠可愛……
沒那個意志比我上我
耐性不夠多 夠我負荷……」
在呢件事上我是否太過理智
明明唔開心點解仲要扮到咁大方
點解一定要做個好人﹖點解唔釋放自己既情感﹖
為既係唔想hurt你﹖定係唔想搞到冇彎轉﹖
"電燈膽"「言談越熾熱 內在更冰凍……」
即使我地傾計幾咁開心，我既心已像死海一般
還記得我有次跑步好唔開心
個次聽到呢首歌就痴左線係咁跑，
那首歌就係–"幸而"
「當天身體貼近　深深愛那用問……
天色不必再暗　彷彿這叫命運……
其實願捱下去因我當時
總算擁有快樂我知……」
明明就係咁近，咁愛對方
但就好似永遠都觸摸唔到咁
我都係一個好庸俗既人
我同你口中既荀野或者臭野都係一樣
我都係好情緒化好麻煩架.....................

給您們的~

身邊的朋友都出了不少問題
有情侶間既感情問題
有親子間既溝通問題
而最大既問題就係親愛到而家都未好返
老友~我想講有時感情唔係付出幾多有會有幾多
搞到自己咁辛苦又何苦呢~
你應該為自己著想~為自己既人生諗清楚
只想送一首歌給你~希望你會有更好既將來
容祖兒《愛一個 上一課》
誰擔保可不可 有一個愛一個
為何我不可 值得好點結果
即使悔恨又如何 別離得多不痛楚
其實帶淚都該慶賀 失戀不怕多
多得天的許可 愛一個上多一課
自由也不錯 被吹熄的愛火
光影總算照亮過 想開心如何懶惰

人地亞女，你已經好大過架啦
你點可以成日都咁野蠻咁大小姐架
話你又唔聽~聽左都係咁~你再係咁就冇人要架啦
你媽媽好錫你架~俾媽媽多一分尊重啦
送一首歌送俾你~雖然首歌係講父子
不過希望你留意歌詞啦
陳奕迅《單車》
難離難捨想抱緊些　茫茫人生好像荒野
如孩兒能伏於爸爸的肩膊　誰要下車
難離難捨總有一些　常情如此不可堆卸
任世間怨我壞　可知我只得你
承受我的狂或野

親愛的請你保重你的身體
連你自己都唔好好照料的話
你仲點樣可以同我走圍玩~

我亦都要送一首歌俾你

Mi《如果你有事》

狠心的你累了的我仍掛著你
如常背靠你 深知一失去剩下了半臂

人若然行開了 連對罵亦無期

~~~~~~~~~~~~~~~~~~~~~~~

如你若有事我會很寂寞

我獨個行樂怎可快樂

我沒你的運氣能先走 畢竟能早登天國

如你若有事我會很寂寞我獨個行樂怎可快樂

其實仲有樣野真係好想講
有時你係幾容易情緒失控
你話係人地引起所以先會咁
但係其實有時你既態度都係有問題
多一分尊重~少一些爭吵
我知有d人真係唔值得被尊重
但係無論人地係點
你識得尊重人人地先會尊重你
同埋你而家撒嬌時真係好sissy
我不得不講我真係幾頂唔順
我知我無權要你改呢樣改個樣
因為我自己都唔係好得你幾多
不過呢d都係我既感受希望你明白