死人極品豬扒王XO奧斯卡賣菠羅

好嬲ar~死肥婆~死癲婆
我真係唔知妳點做社工架
成日假傳聖旨~陏d就御膊
妳賤格、搞小動作我可以忍妳
只要妳係有心為中心會員服務既話
但係妳根本就從來冇為佢地著想
妳咁搞分分鐘搞到佢地好長手尾架
永遠只諗住自已~又冇料~
妳究竟點樣考個社工返黎架
妳用錢買架~妳有出糧架亞嬸
我而家真係超級唔妥妳
我認我今次活動做得唔好
亦預左俾妳踩架~so what
我唔該妳做好自己野啦
唔好再攞d會員當係籌碼啦
妳係點全中心好多會員都知架啦
佢地唔出聲唔代表唔知架
我真係再頂妳唔順啦
妳夠膽惹我妳實死梗
唔好以為我會唔出聲我實玩大佢~走著看啦~

Show Mi

今晚係mi既最後一場concert
雖然無幸去現場睇不過前日睇左第六場
前晚既rundown同第三場一樣
不過今晚真係超high超好氣氛
前晚既mi真係超在狀態~好得無得頂~
今次concert既guess以近年新人為主
當晚有jill真係正~雖然都係合唱"問我"
但係jill solo傻女超正~佢唱live都唔差
臨尾搵左gigi上台合唱"跳傘"~好好聽
最估唔到搵埋miriam上台三個人合唱"終身美麗"
一睇就知mi同gigi先係老友~同miriam真係冇乜交流
miriam同mi互串都幾好睇~"東亞風暴"~嘻嘻~
而且三個一齊唱就知mi唱live最惦~而...(唔講都知邊個最差啦)
當晚mi講既野好感性~好感人
在唱"如果你有事"之前再一次攬住親愛的手臂
跟住唱時其實真係差d喊
就在喊既一刻前面既師奶起身先玻壞左個氣氛
part six既連串勁舞真係勁high
全場好多人都企起身~好正哦~mi跳得好勁
全場一齊場"chotto等等"同"終身美麗"時超正
快d出dvd就好lu~好想快d再可以睇多次

久違了....

已經好耐冇再在音樂事業上發展既mi
休養一年半左右今年再踏舞台
在紅館開show mi concert2007一共8場

睇左第三場真係超興奮~好正~
今次個位好正~多謝親愛的~好鐘意條項鍊

個舞台好有catwalk feel~好特別~好靚
全晚mi既造型都似一個model咁~型到爆
dancer既衫亦都好靚~全場坐滿人
第一次睇concert由頭唱到落尾
雖然把聲沙哂又唔夠訓~不過係值得既
mi既演出絕對係表演出天后既功架~

而家既女artists都好少可以做得咁正
以下係當晚既rundown同少少個人感受
Part One:
唯獨你是不可取替(opening)
唯獨你是不可取替(dance mix)
放不低
愛情萬歲
一連換左3個look，作為opening個bob頭真係型爆
樹精look好華麗~閃白藍間加藍海軍jacket超型
頭半首"唯獨你是不可取替"已經聽到mi把聲好沙
不過之後唱dance mix又冇事~回勇呀~
Part Two:
x派對
男士今天你很好
表演時間
一夜成名
呢part既衫真係好唔惦
不過我覺得呢part係以懷舊同disco為主
好鐘意"一夜成名"但係只係唱得好少
唱得多d就好lu~不過有唱埋"表演時間"就算啦~嘻嘻
Part Three:
擁抱這分鐘
唉聲噗氣
愛是...
豹紋sexy look加遮眼長假髮既mi勁有女人味
唱"唉聲嘆氣"時勁得~唱"愛是..."個陣mi好hiphop
越唱越埋MC仁~MC仁好似好怕羞咁~好搞笑
Part Four:
薩拉熱窩的羅密歐與茱麗葉
交換溫柔
I will follow him
白傘look全晚最花巧既一個look
背部背上一把會著燈既傘~好似螢火蟲咁
dancer既衫超靚~舞台感好重
唱"交換溫柔"時mi喊左~好心痛呀><
企在高台唱"I will follow him"~好危險
不過我覺得mi唱得好正~特別係快歌版時氣氛超惦

Chorus間場
感情線上
愛的輓歌
捨不得你
今次有成14個chorus，呢part係間場既
唱"愛的輓歌"既男高音就真係...勁啦(冇野好講)
Part Five:
默契
如果你有事
赤子
紅綠燈
問我(with 黃苑之)
我真的受傷了(黃苑之)
全晚最鐘意呢part同套衫，白色短裙加上有一塊布在背上
而衫上既print亦係出自mi既手筆
加上一條黑色粗belt同鮮紅色厚底鞋~(如果係普通高跟鞋就仲好)
呢part mi講左好多個人感受
mi唱"如果你有事"時攬住親愛的既手
唔知點解會咁不過個刻自然就做左
而且跟住mi唱時竟然想喊
d眼淚在眼眶想踴出黎咁
明明下午去唱k先唱黎都唔知自己做乜鬼
覺得mi唱"紅綠燈"比鄭融好好多(個人意見)
今晚既guess同mi真係好九唔捨八
唔係唔鐘黃苑之不過覺得好怪
Part Six:
星秀傳說
獨家試唱
非男非女
發熱發亮
小心女人
螢光粉紅
神奇女俠
煞科
呢part絕對係全晚最high既

所有人情緒高漲齊齊跳
mi唱左好多經典快歌~又唱又跳
仲著住件deep V大露背~超sexy
跳得好勁呀~去得好盡、好放~mi~yeah
Part Seven:
Mi
Chotto等等
叮噹
親密關係
感情線上
跳傘(with fans)
終身美麗(with fans)
終身美麗
呢part係ending lu~
個look比起其他就較普通d不過都好型
快歌個度無得頂呀~新歌"mi"跳得勁正
唔係咁鐘意同fans合唱個陣
情願mi唱多d歌~因為有好多自己好鐘意既都冇唱
不過今晚足足嗌左10分鐘都冇encore~勁失望
星期三再去睇~yeah~yeah~yeah

sasa生日會

上星期的另一個生日會

可以話係我人生除左我屋企人同愛人

佢係我一個幾重視既人–sasa

今次我地都係去唱k食buffet慶祝

今次玩得都幾開心

有ling ling、dick、maggie、蘭蘭、arrow

不過華dee就有事唔黎得

唔係就仲好玩~

今次d野食唔算好多選擇

不過都食左好多自己既心頭好

希靈魚、鰻魚、北寄貝同自己最愛既甜品

玩得唔算太盡興~因為有人早走就有人遲黎

希望下次再搞時可以玩得再放d~嘻嘻

親愛的生日會

5月12日是親愛的生日會

多得友好水同學既協助
唔係得我一個實搞到好"呢hea"
當晚雖然唔係話搞到好特別
不過有一個地方俾親愛的同佢既朋友聚一聚
開心一下、玩下、傾下計都好啦~
d野食唔算話好特別~(我會檢討><)
其實之前都有諗過玩遊戲既
不過驚佢地唔鐘意搞到個場好死
點知夜d去到bar先知其中一位朋友都識玩那個遊戲=_=',,,,,
多謝哂當晚出席既所有人
因為你地既出現同包容
先能夠有一個生日會
thx~~~~~~~~~~~~~~~~~~~^^

sasa的生日咭

sasa要求今年既生日要我親手整一張

之前佢諗左既所以構思我都冇擺落去

因為唔想佢知道張卡係點

今次張卡整得唔係好似生日卡咁

我呢d咁唔傳統既人一定搞花臣

個cover畫左自己跳住夏威夷舞~嘻嘻

入面就畫左美化左既sasa

畫成咁係因為我覺得同sasa一齊好開心

佢既笑容真係會令到可以忘卻煩惱

就好似天使一樣~希望sasa黎緊一年咩都好

快d遇到一件鐘意既"鬼"~呵呵~

SPIDERMAN 3

甩左部長兩次底尋日終於應約啦
一齊去左睇spiderman 3~

之前個兩集都係同佢睇~基本上我睇戲實搵佢~
雖然有人話今集唔好睇
但我覺得又唔係咁差
作為一套會不斷拍續集既我覺得幾唔錯
Tobey同James既演技好左好多~
有唔少場面都做得好好
幾鐘意Peter報復Mary Jane個場
Tobey跳得真係幾型仔
最鐘意既都係最後spiderman、new goblin vs sandman、venom
真係好精彩、d特技好逼真
都有唔少少笑料唔會咁悶
片中亦有唔場訊息帶出黎
正邪既選擇 、友情、親情

最開心係睇到Peter同Henry冰釋前縑^^

聚舊

前幾晚同左班舊同學聚舊
其中幾個真係畢業之後完全冇聯絡
雖然我地讀書時好fd
不過真係一d contact都冇
今晚見返個個都唔認得我
因為我再唔係以前個個大肥仔啦
佢地好多個樣都冇變搞到好似得我變咁
今晚傾既野竟然會講股票、楂車、去澳門不過講賭
都係同coco最多野傾~因為一直都有keep contact
其實中學到而家同舊同學最fd既係
coco、ringo同家豪~雖然coco只係在F4先識
而ringo同家豪又中四就去第二間讀
不過唔知點解反而同佢地好好朋友
可能真係人夾人緣^o^
遲d再約一齊去ringo屋企玩通頂先~

多謝

尋晚同亞魚去行街買左一只figure~
好靚架~係fate/stay night
諗過買一set既不過我淨係想要Saber同Gilgamesh
但係Saber冇單一買所以就買左Gilgamesh~好型哦

即晚就將佢擺左入細透明箱~如果會出埋士朗就好lu~
諗住出去順便買埋sa姐既生日禮物點知搵極都搵唔到想要既
後來去睇衫亞魚買左一件幾靚既恤衫
個cutting同detail都好正~不過得番一件咁我就成人之美啦
之後同亞魚&BB一齊去意房菜食dinner
之前聽coco講話個度d水準差左
今日去都唔係好差者~都ok既
今晚食左羊鞍併吉列龍俐~
個羊鞍好好食~不過條龍俐唔係吉列就very good啦
BB依舊吃佢最喜歡既8安士牛扒~好大塊哦
個傻人學人玩驚喜~佢知我想要Donald扭蛋就走左去抽
仲傻都款款都抽哂真係足足一set
不過我真係覺得好開心架~多謝你~
但係下次唔好啦~你用咁多錢真係可以就咁買一套
不過就咁買又唔夠係咁抽過癮既~
一齊坐車時再睇只屬於我地既mv
傻人又喊啦~不過我每次睇都會笑~嘻嘻

網球王子

尋日同dad、mum同家姐去飲茶
真係十年都唔逢一潤會同佢地去
不過好耐冇同過佢地去而且唔去都係在屋企悶
況且好耐冇去粉嶺行下咪當行街囉
如到如常要等位~悶
所以就在商場走圍行
中學畢業之後真係變左好多
不過當年經常去食既上海餔仲在度
搵日搵返d舊同學去個度食野懷舊一下先
仲發覺個商場多左好多賣figure既餔頭(o岩哂我)
在其中間餔頭見到Q版既網球王子

吸引我既係其中一個特別版
係龍馬著校服既~最正係身旁有龍馬既寵物
喜馬拉雅貓~好可愛呀~(唔記得中文名淨係記得日文發音=_=)

不過網王既figure真係出得好少
其中自己鐘意既係7位主角打網球既英姿


真係好型呀~桃城、龍馬、同不二~正~~~~~~~~~

發射特製催淚彈

踏入5月就係BB既生日月

知道BB想要MP4好耐

所以一早已經決定要買黎做生日禮物

不過佢又成日話想出買

所以就尋日送左俾佢~

雖然佢唔想我嘥錢買野

~生日麻~一年一次~ 只要佢鐘意就得啦

不過MP4只係一件武器

真正既催淚彈在入面

用個幾日整左一個屬於我地既MV

其實都唔係咁大工程既

不過要等屋企冇乜人先可以整

而且個program係user friendly一d都唔難整

首歌係我地既主題曲"甜"

首歌一路播就一路播出我地既密照(怕羞><)

諗到佢會喊不過估唔到咁大反應^^嘻嘻