更改

原本星期二晚上堂既course
而家將會改成星期五晚
其實自己幾滿意呢個改動
一來星期六大多數都冇咁忙
而且隔星期就會星期六放假
真係可以上完堂就出街都唔驚~嘻嘻
就算唔出街都可以訓晏d~yeah

忙碌的9月（下）

終於完全哂所有9月既活動啦
中秋旅行原本一切好順利既
最衰上到山頂去凌宵閣天台竟然要收費
在個度都唔知浪費左幾多時間
之後帶左佢地入港島徑睇夜景補數
其實個景仲靚駛乜俾錢咁傻呢
大仙誕旅行一開始真係幾乎失聲
食lunch間齋館超唔掂
下次一定唔會再幫襯你地呀
之後去到廟都算係相安冇事既
係返到centre好忙時死肥黃搞野者
明明佢當值一見我地返即匿埋
真係cheap到爆呀~~~~~~~~~~~~~
跟住10月又會有2個自己負責既旅行
一個新小組要開啦~加油~努力~

Yeah﹗Yeah﹗Yeah﹗

同老友好耐冇見啦
今晚一齊食左好豐富既Dinner
之後去左"搜尋"消遣
今次比起上次氣氛好好多
可能係因為今次多左人唱快歌
雖然好夜先過去不過好彩都有位
我地去到當然會唱下歌仔啦
第一首係"Control"不過真係lose control
自己本身唔鐘意首歌架
因為係佢揀既我陪唱之麻
自己從未試過成首歌聽哂唱得勁樣衰
不過之後唱自己揀既"螢光粉紅"
我地既飲歌"886"，再唱埋"Show Up"
臨走前再唱埋"逼得太緊"
呢幾首好彩都唱得ok
我地把聲今日係好柏芝架
不過唱呢幾首歌時都可以唱都個key
今晚玩得都幾開心不過如果可以....
好似以前咁跳到舞就好lu~~~~
遲d等海外朋友仔返黎再去玩盡佢~Yeah﹗Yeah﹗Yeah﹗^^

眼神先生

兩個XX一齊睇OO
可能有人會覺得好怪
不過我地就只係當睇Show
不停咁評頭品足
呢個點樣那個點樣
突然爆出既"青苔（海苔）"事件
已經夠笑死我地
之後出現既眼神先生
佢其實真係好good fit
不過當鏡頭對住佢就即放電
我地真係頂唔順佢咁造作
你都係專心d啦唔好笑死我地啦~哈哈哈

史上最強弟子兼一

一套以格鬥家為主的動漫
看似很暴力不過其實是十分惹笑的
主角兼一是一位膽小怕事的人
不過他其實是一個很正義的人

直至遇上了功夫了得、才貌雙全的大乳牛–美羽~嘻嘻

兼一開始在美羽家的道場修行
他的師傅有多位包括泰拳、中國拳、柔道、空手道同兵器
泰拳師傅亞帕齊超搞笑~哈哈哈哈
不過他們都是瘋狂的
他們教導兼一的方式簡直可能取他性命
可是正因如此才令他更耐打而我又看得更開心~哈哈
最新一集講述兼一面對一位兒時好友
與他來了一場生死戰
兼一模仿他師傅們真的超搞笑
其實劇中講述的很像太超現實
不過有一些都或者遇上麻煩時可用得上~

Candy

在難得的假期於家中靜靜休息
在大家中搜尋了一些影碟
無意中找到了Candy盧巧音第一個在紅館的個唱dvd
Candy True Music 1st Flight Live 2003
當時買回來都沒有正式看過
於是放入電腦播放慢慢觀看
看了發覺Candy有不少的歌曲自己也很喜歡
不過大多是rock或band sound的作品
如吉祥物、站站舞、佛洛依德愛上林夕
刀槍不入、音樂人民及天祐我們
可能令Candy可以於開此個唱
全因一曲k歌"好心分手"
不過自己不太Candy的k歌
但有一首Candy的k歌自己非常喜歡
而且更是最喜歡Candy的作品
這首歌由曲到詞自己都超級喜歡–三角誌

耍花槍

耍花槍其實係好平常

情侶一定會有既

不過你地既耍花槍實在太...

你地既槍實在太攻擊性

我真係好驚你地會有日出事

特別係尋晚收到你既sms

我一早擔心既事好似已經發生左

今日打俾你你又唔聽電話

哎呀~好擔心呀~><~~

中秋節

中秋節對於我來說一點也不特別

可能是自己現在已不太慶祝了

兒時也許會與友人一同慶祝

不過大了就再沒有這麼過了

現時大多是與家人一同過節

這樣其實頗好的可與家人一起珍惜彼此關係

也許有人認為人圓是兩團圓

不過能與家人一起也是一件樂事

今晚..............是一個沒有月餅的中秋節~嘻

月餅很高卡的哦~幸好我不喜歡

否則...........................肥死=_='

一波多折

趁著星期日的空檔
一家五口一起到鴨梨洲拜祭公公
不過一開始已經一波三折
先到了巴士站看到唯一的巴士...
走了，等了將近廿多分鐘
到了上環爸爸忘記了那裡乘車
唯有回車站向司機先生查問
問了後親愛的父親大人又走錯路
終於去到了....怎料
非常令人尊敬的父親大人
竟然不清楚公公安放的位置
幸好上次我與弟弟都有一同前來
否則都不知如何找出來了
我終於知道弟弟為何會方向盲=_='.....

12

昨天不適了一天
鼻子如關不妥的水喉一般
鼻涕長流
回到家後吃了傷風丸
一睡就整整12小時
從未如此的滿足過
已經很久很久沒有試過了
睡醒後身體狀況好了很多
整個人也很精神
真的是需要多些休息足夠才行了~

Sad

昨夜回家正準備下車時
從車窗往外看
看到了一個不情願看的畫面
看到了地下一條動物的屍體
若不記步行往巴士站的路中
經常出現我最討厭的生物屍體
應該是我還在高中時於街道上
看到了一條貓的屍體
今次不清楚是那一種動物
因為天黑了不過從體型方面估計
應該是狗或者是小牛
不知可故看到了心情突然往下沉
非常的感到很傷心
也許我是一名動物痴
只要看到可愛的動物我可以開心一段時間
真的很不情願看到此畫面
真的很......................................

忙碌的9月（上）

今個月可能話係入行以黎最忙既
一共要負責5個outing program
而且有4個仲要係自己in-charge既
9月10日帶隊去ocean park
唔係我in-charge不過一切順利
而且同佢地去玩都幾開心
9月16日全大埔區有個活動
我地係協辦團體不過夾埋我
成個program都係得4個staff在場中
而且我個partner係第一次負責呢d活動
睇得出佢真係勁騰雞
其實我覺得全部都under control都算ok啦
只係差唔到完結時俾呢個sissy既partner抽左水=_=
9月17日今個年度我第三次搞義工活動
其實成個探訪活動都好順利，直至....
到去食lunch時發現有個member唔見左
好彩最好到搵我返不過今次係我唔小心
冇留意到個牌後冇centre既phone no
如果唔係就會好快搵到不過而家冇事就好啦
黎緊仲有兩個我in-charge既活動
希望一切順利平安冇事啦~
不過咁忙都有另外一個reason既
真係個件豬扒冇幫手~真係累人累物~超~

很奇怪

很奇怪、很奇怪呀、很奇怪哦、很奇怪耶、很奇怪哪
（請以上以國語發音吧）
尋晚發左多個非常奇怪的夢
奇怪在幾個夢都是有連貫性既
第一個識得既所有membe差唔多出現哂
跟住既劇情實在太古怪啦
呢個組合實在太離奇啦根本好難發生
雖然話發夢既現實一定唔會發生
不過個劇情醒左都太記得啦><
搞到我成朝到而家個心都好忐忑
呀~~~~~實在太騎呢啦~~~~~~~~~~~

Hairspray

一套以musical為主既懷舊愛情片

雖然d音樂係幾old

不過我真係好enjoy呢種片

第一d歌真係幾好聽而且好配合劇情

第二我鐘意跳舞所以睇到好興奮

全套戲最鐘意聽同睇黑人跳舞同唱歌

唔知點解覺得佢地真係特別正

John Travolta反串肥媽好搞笑~嘻

Nikki Blonsky雖然係肥妹仔

不過唱歌好好聽而且跳舞好正

Michelle Pfeiffer奸到出汗不過真係好靚

Christopher Walken戲中超低能

同John做兩夫妻真係勁搞笑

James Marsden真係超型仔估唔到佢唱歌咁正

Amanda Bynes冇上次球愛可人兒咁突出

而且佢冇乜跳舞真係好失望

Queen Latifa唱歌超一流不過頭髮好假=_=

Zac Efron唱歌唔錯不過跳舞時就唔夠

musical school咁好睇同咁勁

不過總括黎講係一套值得睇既電影

當然啦~同邊個睇到好緊要

今次係第一次同佢睇戲

好彩佢都鐘意睇呢D片者~嘻嘻

死神聲優見面會2006(Soul Sonic夏祭)

睇完真人版舞台劇
就睇埋06年bleach聲優既演出
聲優即係配音員
在日本呢個行業非常受歡迎
如果個角色受歡迎仲會出唱片
而且絕對唔比singer既演出遜色
而樣子亦都是不太差的
呢次亦都係bleach聲優既第二次與觀眾見面
一共分開4場有不同的聲優助陣
一護同戀次四場都有
每場都會有8位聲優即場配音
同埋一d小短劇，睇到佢地既演出不禁令人讚嘆
真的是非常非常既厲害，真係非常好睇
等我介紹一下出現在4場中既bleach聲優啦

檜山修之–配班目一角，完全表演出一角既痴線
石川英郎–配浮竹十四郎，非常厲害
因為佢個角色體弱多病要成日咳，佢配得真係非常之好
川上朋子–配碎峰，即場配喊既個一場令我嘆為觀止
宮田幸季–配山田花太郎，真人同角色真係好似~哈哈
福山潤–配弓親，亦都係同色非常相似一樣的花公子
小西克幸–配修兵同啟吾，兩個完全唔同既角色
一個係傻更更既人一個係非常厲害既人
佢都配得非常出色而且更即場演繹二人~勁呀
朴璐美–配冬獅郎，非常厲害既女配音員
有好多動畫佢都係配一d男孩既角色
其中一套全植木的法則既植木
佢平時講野係好溫柔不過一到配音就唔同哂~勁
遊左浩二–配市丸銀，同似個角色~好鬼奸
真殿光昭–配Kon，都係好似個角色好咸濕個樣
Kakazu Yumi–配莉琳，係原創角色，把聲好得意
大川透–配狩守神，好型把聲不過係一位大叔=_="
杉田智也–配之芭，角色其實好少對白
只要佢一出聲就會全場大叫非常受歡迎
不過我覺得佢幾sissy
松田由貴–配井上織姬，其實幾怕聽佢把聲~因為高八度
不過佢真人把聲冇咁高都好好聽
安元洋貴–配茶渡虎泰，第一次配音既聲優
佢把聲好厚而且配得還算唔錯，最估唔到既係佢真人好型仔
杉山紀彰–配石田雨龍，一把好好聽既聲音
會令人覺得好有智慧既聲音（驚)
伊滕健太朗–配戀次，我覺得佢配音好勁
佢亦都配過不少既動畫，其中一套係配Naurto既肥仔(唔記得個名)
折笠富美子–配朽木露琪亞，真人把聲非常溫柔
角色把聲非常中性，完全聽唔出係同一個人~
森田成二–配黑崎一護，現場配音非常激昂
不過估唔到個真人個樣一d都唔熱血
反而有d似暴走族仲係長毛添~

bleach音樂舞台劇

睇左真人版既bleach舞台劇
今次有不少既音樂歌曲
最鐘意既係大合唱既主題曲
其實要做動漫作品既舞台劇真係好難
因為由造型到神態都要好似
而且我相信髮型係好難既
劇中男主角既橙色髮型都幾難整

呢一個舞台劇係bleach真人版既第二次演出
06年已經做過第一次
今次既故仔係講一護去屍魂界救露琪亞
而劇中最令我深刻係碎峰同夜一

入面佢地都要好靈活咁做好多高難度動作
故且唔講佢地真係唔似不過d動作真係好得
但係我最鐘意都係劇尾加插既搞笑小劇場~^^

沉悶的一天

好鬼攰既一日
好鬼無聊既一日
好鬼忙既一日
好鬼眼訓既一日
好鬼死提唔起勁既一日
好鬼.........zzzzzzzzzzz

討厭

剛剛乘坐巴士回家時
突然坐在較前的情侶突然調位
轉為坐在我的前方
很好奇向前看一看
發現情侶前一行有一位男士有些古怪
當車開動時他開始做一些動作
他以為自己是駕駛摩托車
不停地左搖右擺、手握著管子
那時前方情侶男方用電話拍攝
也許他是拍下來放在網上給人觀看
不過我第一個感覺是他的行為
真的令我非常的討厭
可能此乘客真的很古怪很難明白
不過我覺得這樣的拍攝真的很...
我比他們更早下車我不知道後來如何
不過這種情況令我想到
時下不少人於發生事件時
並不會出手幫忙只是拍下過程
人說︰香港人情紙咁簿
其實其他人會這樣想真的不可以怪人
我知道有事發生當然會以自己利益為先
不過有需要拍下嗎~
不幫忙有算吧~你拍下真的是討厭哦....

傻?原則?良心?

今日下午與sa姐、蘭蘭及may
出了外一同上了一個有壓力的講座
不過我們真的很開心
可能是我們的壓力都是來自同一樣東西
不用見她所以特別舒服
之後與sa姐及蘭蘭往旺角吃dinner
今晚吃了一頓非常豐富的日式料理
有和牛、雞、鰻魚、蠔、雞軟骨、鴨胸~
嘩~很豪的一次哦~很飽滿哦~很滿足耶~
到結帳時sa姐與蘭蘭離開往洗手間
我付款時發現接待生給的帳單比想像中便宜
給了錢看到此單好似不是我們的
其實我可以不出聲就算因為真係便宜很多
但是最後我立刻追過去說此單應該不是我們
最後她重新拿來一張單~看一看
這次對了~是我們吃的東西是我們的帳單
也許是很傻~明明可以付便宜一些
不過如果這樣做的話這位侍應就會很麻煩
而且我真的過不了自己的良心
我不介意別人說我傻或笨也可以
只要我所做的我認為是對的就可以吧

幸運是我

我覺得自己其實非常幸運
無須為生活太過煩惱
與家人、朋友也相處融洽
儘管生命中出現多少挫折也不會令我倒下
因有多人在我背後支持我、守護我
做人是應該知足的
我覺得自己是很幸運、幸福~^^

幸運是我 詞：鄭國江 唱：葉德嫻
　
深信幸運是在我手裡
今天我能高飛
只想你也替我開心
感覺樣樣都得意
一樣是舊日的我
今天笑意甜絲絲
聲音裡也帶一點光彩
感覺是特別的美
曾嚐遍失意時
卻找到快樂匙
那裡會知　就是自己
原來是個幸運兒
　
誰人亦有得意時
這一刻最特殊
滿有信心　默默地輸
幸運是個小諷刺
雖說幸福是個諷刺
它使我能高飛
它可帶予我一絲驚喜
可以實現我心志
夢變真　夢變真　求可以

陌路

一首近來非常喜歡的作品
收錄自Miriam新Album的

陌路
曲：雷頌德 詞：林夕 編：雷頌德

這世界到處也有面善路人擦過了多少腳印誰人
能合襯 遠或近 最終都可接吻
有人 便有美滿人生
喜歡你 無奈再見到你已像陌路人
情能夠陷到幾深 這麼近 這麼近
卻彷似相差一世 至少 分手也甘心

我怎可能離不開 捱到現在
人潮裡面學會等待
那次偶遇你的愛 你不愛 我肯愛
還有很多個對手相愛
縱使感情離不開 人已不在
如能瞑目後便看開
對我最大的感慨 你不愛 他會愛
可惜他也許 與我擦過于滄海

重遇你 發覺你再美也像面善路人
而懷緬又有幾真 這麼遠 這麼遠
卻彷似相差一吻至少 客氣得可親

我怎可能離不開 捱到現在
人潮裡面學會等待
那次偶遇你的愛 你不愛 我肯愛
還有很多個對手相愛
縱使感情離不開 人已不在
如能瞑目後便看開
對我最大的感慨 你不愛 他會愛
可惜他也許 與我擦過于滄海

而其實我早應該 絕口不說舊愛
否則怎顯得死性肯改
從前受夠了傷害 若得到有人愛
幸福點也應該

我怎可能離不開 捱到現在
人們碰面後便散開那次偶遇你的愛 你不愛 我肯愛
還有很多個對手相愛
縱使感情離不開 人已不在
如能瞑目後便看開
對我最大的感慨你不愛 他會愛
可惜他也許 與我擦過于滄海

錯過了這接力賽

黑糖瑪琪朵

一套講6位同父異母的6兄弟

如想繼承一筆天文數字的遺產

必須要一同生活一年

不過他們之前是各不認識的

磨擦當然多了再加上要一同生活一同上學

這樣真的是談可容易呢

而班上又有專欺負男生的十姊妹

真的發生多番惡鬥了

呢套標榜最多偶像參演的校園台劇

講述追求夢想、友情、兄弟情、愛的情的小品

一共有6男（捧捧堂）9女（黑澀會美眉）

真的恕我唔可以話那9位"美女"偶像

因為有一些真的是令我覺得.....

可能我真的是不懂如何欣賞吧

不過管家丫頭的聲音真的是超搞笑

而鬼鬼真的很突出~太古靈精怪了

而捧捧堂竟然由年紀最小的王子做二哥

還編寫他很聰明也很有智慧

真的令我覺得很討厭（本身討厭佢~太主觀意見)

威廉真的是超白痴~哈哈

亞緯很傻氣而小煜就真的是感覺很難相處

敖犬的演技實在太跨張了~太像森美

小傑反而是最不突出的~

不過劇中的事情也很寫實而且笑料也不少

否則也難以令我會追看的~嘻

重踏....

與姐姐開始重踏校園
姐姐已經開學了
而我也快將開課
前晚姐姐向我請教maths
這一科自己只可以算非常一般
當年就讀IVE幸得同學幫忙
否則全部以英文作問題的maths
我一定會"肥佬"的
最後也可以pass~幸好
起初看看筆記再看練習題
真的是....一頭霧水
但突然又好像明白了
教了姐姐不懂的練習題後就睡了
自己很怕會教錯了害了姐
不過昨晚聽姐說好似也可幫到她
那就一切都好吧
好吧~讓我們姐弟倆努力~努力

重遇....

自發生那件事後重遇此地方
儘管身旁的人已是別人
自己的身份已經不同
不過心總是有點兒...怪怪的
也許心裡重現一些畫面吧
不過今天一切安好就好了
之後還與姨婆去了吃法國餐
已很久沒有去這間餐館了
食物質素依舊保持
今天更破天方談了很多不同的問題
真的是...很怪怪的一天哦~哈哈

葛力姆橋

bleach死神最新既盒蛋figure

起初真係好有興趣買架

因為呢套既造型係以學校look為主

但係睇真d真係唔係好靚

提得起興趣既只有冬獅郎同露琪亞個款

不過最後都冇買呢兩款而買左–葛力姆橋

因為係第一次出破面既figure

而且做得真係幾似佢~勁奸個樣~嘻

發夢x2

唔係係咪知道肥野放大假呢
個人好鬼開心好鬼relax
尋日仲連續發左兩個開心既夢
雖然唔係好記得d內容係乜
但就好記得兩個夢都令我好開心
夢入面既自己都係不停咁笑
或者就係咁先會笑醒~嘻嘻^^

苦茶

唔係咩實力派作品
不過首歌好舒服
而且俾我一種好sweet既感覺^^

苦茶 - LOLLIPOP+黑澀會美眉

微微笑的看你越是認真就越讓人心疼
街頭那盞路燈彷彿在笑我愚笨
沒什麼能做 但我比誰都真誠
泡一杯苦茶陪伴你到夜深

你知不知道你總有一種很可愛的獨特
讓我充滿勇氣抵抗冬天的寒冷

怎樣做才會完美 像個男人
喝一杯苦茶溫暖 你的體溫

不用等你開口先說我愛你　
在那之前想對你說我願意　
你不必問 你也不必等　
這一刻 就值得愛到永恆　
我該如何讓你明白我愛你　
在那之後你點頭說我願意　
想照顧你 想守護著你　
這一刻 只想把你抱緊

你知不知道你也有一種很可愛的天真
大男孩的口吻魅力加到一百分
怎樣做才會完美 像個男人
喝一杯苦茶溫暖 你的體溫

雖然永遠 太不可能
少了你的完整
兩個對的人奇蹟就能發生

這一刻 只想把你抱緊

真係唔明....

憎人、討厭人、同人面阻阻
真係勁辛苦、勁難頂
真係好唔明點解d人
點解係都要搞到咁乞人憎
搞到自己咁鬼神憎鬼厭
咁鬼令人反感先安樂既
係到要踩埋黎係到踩其他人抬舉自己
我係唔會就咁屈服架
唔好以為我係小綿羊唔識反抗
你踩向我我一定同你慢慢玩
睇下最後結果會係點.......

得棚骨

病左一日冇乜點食野一日

訓覺時覺得自己好似真係太瘦

即使身上有不少贅肉、肥豬肉

總感覺自己有d似一幅骨頭添=_="....

一天的食物

俾個衰人激到病鬼左

仲搞到咩胃口都冇哂

尋日成日只係食左一個小麥飽

一碗粥同埋兩個橙

今日磅重.....輕左幾磅

太唔健康啦~今日依然都係冇咩胃口

不過比起尋日算食多左d野啦

Again!?!?!

又病啦~今次仲係好病添

上次病都會有d食慾

但係今次真係乜都唔想食

俾個死肥黃激到病真係好唔抵~

>~<~~~~~~~~~~~~~~

Round One︰The Winner Is....

死肥黃正式向我挑戰
今日既meeting不停啄住我
以為我會咁輕易被妳打敗...
hung....發妳既春秋大夢啦
妳所謂既point一d都唔有力
搵黎插我既會員根本就唔得
個會員同我咁close搵鬼信妳咩
最後咪又俾我全部一一拆掂哂
想耡我下一世啦~
Round One︰The Winner Is....
威威~YEAH~YEAH~

搞錯呀~~~~~

都唔係係咩人黎架

搭車咳又唔掩口

唔掩口我都算啦話之你

又乜理由隨地吐痰呀

個度係交通工具呢架

你估係你架自己架

仲有好多人搭架

你痴線、你有病、你低能

Crying In the Party

一首Eason既新歌
首歌係黎小田作既雖然首曲好幾舊咁
不過個種講唔出既味道就非常之正
有機會一定要聽ar~好正架~

Crying In the Party
作曲: 黎小田 填詞: 黃偉文 編曲: 褚鎮東
監製: Davy Chan, C.Y., 陳奕迅

熱播的歌 忽爾靜了
場邊 一聲慘叫
好友都靠近了 你沒有被忘掉
觀眾 預了分擔惡兆

大喝三杯 失控地笑
孩子 終於哭了
空氣的震盪裡 你沒說但心照
某個事情大概 不妙了

因一個人痛哭 哭崩派對舞曲
我也曾像這樣 青春大概相似
總有段情 落入這種 困局

或有一天 當你大了
城府 開始深了
年輕的眼淚流光了 便掛念曾經這樣了

讓你哭泣 哭到倦了
重整 呼吸心跳
哭過吵過鬧過 你為愛做足了
再接下來就要 收拾了

是 所有熱情會乾掉 一發現已經成熟了

等價交換

有付出先有收入
我一直都好相信呢樣野
呢個世上邊有咁多免費午餐
所以食了一餐美味既buffet後
當然要付出返去做運動啦
一般都係每日跑30分鐘
不過剛剛跑了差不多1小時
跑至係身都是汗水甚至衫褲也被弄濕
其實每次跑既頭15分鐘係幾辛苦
不過到左15分鐘後就越跑越有
好似唔攰咁好想繼續跑
跑完真係好舒服好正~
自己好鐘意跑時聽住歌跑
尤其鐘意聽快歌跑就最有mood
不過有時都鐘意頭10分鐘聽慢歌
等慢慢warm up左就聽快歌就越跑越正~
自己仲專登整左幾首medley
第一首medley既係自己好鐘意既快歌
光明會、闇、奔、spice up your life、
表演時間、全新暑假、開大、falco --、
螢光粉紅、神奇女俠同一夜成名；都有成18分鐘多架
聽住黎跑好正好爽架~嘻嘻
第二首係happy medley
某年仲夏、照相本子、相對濕度、泳兒既歌（快版）
同四面台呢個medley就短d只有8分幾
而第三首係disco medley
睇個名都知d歌全部係disco version啦
煞科、一個人的精彩、傻女、南瓜車、烈女、
被遺忘的公主、不要離我太遠、表演時間、一時無兩、
我恨我是女人、絕、honey同埋螢光粉紅
有幾首歌同之前一個medley既歌重覆左
不過呢個disco version又有另一番味道
真係聽到有d fing頭既感覺而且都成19mins~呵呵呵
最後一首medley就勁囉我稱之為crazy medley
有成30mins幾架~最多歌都係呢個medley
抬起我的頭來、Candyman、G for Girl、紅組加油、
Rolling Star、獨家試唱、神奇、Dirrty、女人味、
AnataDakeMitsumeteru、熱血青年、大女仔、第一天、
Mi、Breakin' Out To The Morning、一面之緣同Chotto等等
雖然呢d medley都有不少問題特別在一首接一首時
但係跑步時聽到真係勁正哦~

鎧傳

睇返一套兒時既動畫

雖然畫功比而家既係明顯差d

不過以前既動畫大多都唔錯

呢套以武士為主題既故事幾正

因為主角係著盔甲既

有d似聖鬥士星矢不過就咁長

最鐘意既係天空–當麻

總之件盔甲係深藍色個位啦~

用弓箭架~我覺得佢好型

而且佢代表智慧嘛~嘻嘻嘻

輸左一半

肥黃反擊戰都未開始打
我地已經輸左一半
馬尾點解明明有位上都唔做呢
牆頭草唔好再兩頭擺好嗎
咁多位亞娘我地要團結呀
難道我地真係鬥佢唔到
唔通真係要去最後一步.....