他

因為「他」令我認識自己
因為「他」令我清楚自己
因為「他」令我肯定自己
與他只是同學的關係
當年曾經與他一度成為好友
不過關係只維持了一年多的時間
也好「他」已經忘記了我
但我是永不會忘記「他」的
「他」在我心中永遠都存在的

Transformers

終於都睇左自己好想睇好耐既...

Transformers

一套長達超過120分鐘佳片

故事交代得情楚

既有笑料亦有精彩打鬥

主角既演技亦非常出色

特別係Josh Duhame真係超型

唯一缺點是中場交代時較長

顯得有點兒悶呀~~~~~~~

黃峰同柯柏文勁型

雖然有一位隊員犧牲左

不過我覺得一定有下集

因為佢地係有好多既隊員

而且狂派既人一定唔會咁容易就算

好想快d有得睇哦~~~~~~~

取我命了...........

參與親戚的飲宴

第一次於下午是飲喜酒的

不過其實東南亞大多地區都是的

這次的主角是我的表侄子結婚

我一點也不老的我是輩份大的哦

去到時看到一位應該是主角的朋友

他是幫忙拍攝，他.....絕對係我喜歡的type

他一進來我們互相向對方smile

噢..........我被電擊了~~~~~~~~~~

之後與三位小表侄女玩耍

揹著她們走來走去真的是要我命了

但看到小小BB侄女的可愛的面孔

噢.......實在太可愛了~她的肥肥小面孔~呵呵

小小備長炭

一套即使是超級動漫迷也未必知道的作品
「小小備長炭」
雖然此作品的故事非常古怪
極其不make sense也好
不過動漫大多數也是如此的
但憑著主角「備長炭」可愛的外表
在日本、台灣及香港都令不少人開始留意
她的確是超級kawaii哦~~~~~~~~~~^^

Show Mi DVD

等了差不多5個月

終於可以再一次重溫Mi的精彩演出

的確看的比只有聽的更震撼

買到了真的非常想即時看

坦白說…開始看時真的未能完全投入

不過一直看一直看就令我回想當時的情況

特別於末部的快歌組曲更是令人回味

儘管Mi已經聲沙有點兒失準

但看到現場的反應、Mi的演出

真的只能以Amazing來形容

於second encore唱的"我們的主題曲"、

"不拖不欠"及"親密關係"

我覺得係後半部唱得最好的歌曲

特別係"不拖不欠"更是個人的最愛

不過沒有收錄"回來我身邊"還是有點兒失望

上海的演出更唱出"出界"、"黑盒子"、"值得"

這些自己非常喜愛Mi的國語歌曲

真的很想能於現場看到Mi呢

而且快歌組曲更唱了兩遍哦~真羨慕~

ANGRY

好嬲呀~好嬲呀~好嬲呀~好嬲呀~好嬲呀~
好火呀~好火呀~好火呀~好火呀~好火呀~
好"慶"呀~好"慶"呀~好"慶"呀~好"慶"呀~好"慶"呀~
死八婆~死八婆~死八婆~死八婆~死八婆~死八婆~

瘦田無人耕，耕開有人爭

一係就冇人問津
一係就突然咁多人
終於都明白乜野叫做
瘦田無人耕，耕開有人爭
其實有人問津係開心既
即係證明自己都算係
爛船都有三斤釘
總算有少少吸引力
不過其實自己呢方面真係handle得唔好
好驚又再做決定累死人
有又煩冇又煩............唉

破產

諗住調"你"過黎係我地既救星
"你"話過會點幫我地、點做野
但係點解而家"你"做緊既野
同"你"起初講既野背道而馳既
"你"將我地對"你"既信任置之不理
由一開始"你"已經冇心幫我地
我以為"你"性格關係先對會員咁cool
等我仲不停咁"你"解畫
點知...原來全部都係因為"你"個心冇在度
"你"離棄我地、遺棄我地、背叛我地
"你"既誠信已經徹底破產

Listen To Eason Chan

Eason既全新大碟
通常歌手開演唱會前必出新album
呢張album特別在全碟以快歌為主
除左一首慢歌外係部快歌
都可以話算係Eason既新嘗試
不過講左嘗試當然係disc two啦
disc two係一碟remix大碟
比起disc one更具吸引力
disc one既原裝version的確爭d
慢歌"Crying in the Party"係最特出
除左係唯一一首慢歌外
無論詞、曲甚至歌者演釋都非常好
而快歌方面只有三首令我有印象
"演唱會"係Eason黎緊concert既theme song
係好適合做concert既theme song不過...
有不少既音節都似層相識既=_='
"閃"係自己係碟最鐘意快歌
特別係remic版就更加係最愛
而"瑪利奧派對"就以遊戲為主題
幾特別幾新鮮~整體黎講
絕對係一張值得聽既album~

ANTM Cycle 9

又一輯新既ANTM

今屆既質素再度提升

不過同樣有一個Bitch在度

真係超乞人憎

樣唔掂、相唔掂、行catwalk唔掂

都唔明Tyra當初點解要佢架

暫時已經out左三個

第一個Mila好似Barbie公仔=_="...

第二個Kimberly個樣幾特別不過d相唔得

第三個Victoria其實樣貌幾好仲係個大學生

不過就好鐘意talk to back其實有時堅持係好既

但係有陣時都要學識妥協先得架

同埋我覺得佢其實本身都唔係好想做model

暫時形勢我想Janet、Sarah同Heather做final three

Janet我覺得佢真係好型爆

Sarah相對其他人係比較plus size

不過佢d相真係幾靚架

Heather本身係有輕度自閉症

佢既social係有開題而且行catwlk亦都需要練習

不過佢d相超掂根本就可以即刻用既超art架

我最想就係佢win~不過做model一定要有social skill

希望佢可以做呢點咁佢一定做到top model

行到半死

帶隊到尖咀睇畫展

睇完送左老友記搭車

自己就在尖咀放工啦

在利時搵到自己心頭好

就係一對漂亮的尖頭鞋

仲要價錢係非常非常抵架

之後行左去旺角搵老友食dinner

俾老友見到佢就想去買

跟住又行返去尖咀啦

點知....去到佢都係唔買

下.....唔係啦掛~唔好玩我啦

不過佢都有買件衫我又買左條頸飾

兩樣野多謝每件20元

真係非常之咁抵~勁抵玩啦

最後又行返去旺角食dinner

今次一日行左差唔多3-4個鐘

行我唔mind架我都鐘意行路既

不過個袋太重啦~真係攰死我咁滯

真係可以當減肥啦~~~~~~~~~~

渡賴悠宇 -- 櫻狩

一位非常喜歡的漫畫作家–渡賴悠宇

由佢既夢幻遊戲開始已經追看佢既作品

夢幻妖子、19th、以及較新既夢幻遊戲外傳

不過講到最吸引我當然係上圖既新作啦

今次係老師籌備多年既bl作品

暫時只知道會分為上、下兩卷

上卷會有100p俾我呢個忠實fans欣賞

雖然老師既bl作品H度一d都唔高

而且仲可以話只係輕輕帶過

不過老師既作品一向都好有水準

估唔到老師畫bl老師都要加上血腥成份

希望下集會有更令我期待既情節....嘻嘻

千嬅新唱金牌金曲

當千嬅在紅館開concert既同時
舊唱片公司即時推出"千嬅新唱金牌金曲"
呢張album收碌既係千嬅既舊唱片公司
一d同事既作品由佢重新演釋
"青山散步"冇左stephy個種寫意既感覺~
"傷追人"好難聽~或者係本身唔鐘意呢首歌
"好心好報"、"情歌"、"八里公路"、"閉目入神"及"501"
ok啦~k歌會易唱d既~冇乜特別~唔算好深刻印象
"命硬"冇左Justin個種嗌出黎感覺~唔錯~幾正
"為何他會離開你"一定冇Sandy唱得咁好~
"花灑"唱得幾好~鐘意千嬅既演釋多個基仔
"羅曼蒂克"本身好鐘意首歌不過編曲加上千嬅既演釋...再見啦
"掩眼法"（OT.藍鞋子）新填既詞~幾正
"愛是最大權利"用左柔情去唱係幾好特別~不過都係鐘意Kary個version
"找我"全碟最愛呀~可能自己鐘意呢首歌啦~而且千嬅算唱得都可以收貨
"派對動物"全碟唯一一首快歌~千嬅唱得比cookies多左一種騷味
不過個人都係喜歡cookies既version多d
總括黎講呢張album鐘意既就可以買
唔係既就可以唔買都得
始終唔似mi之前個張唱人地作品既album咁有heart

不再相信

我決定了–我不再相信"你"
我累了，我沒能再撐下去了
也許是我的自私也好，甚麼也好
我真的是沒法承受了
我真的是負擔不起了
我情願孤獨一輩子也好，怎樣也好
"你"放棄我、離開我、遠離我吧

重視

玩左心理測驗
得出既結果係咁....
我心目中最重視的
1.家人
2.朋友
3.事業
4.金錢
5.愛情
估唔到愛情對於我黎講係咁唔care
不過都啱既而家既我一定唔係...
戀愛大過天或者愛情萬歲
始終我覺得屋企人同朋友先係最重要

Ugly Betty Season 2

終於等到betty既season 2啦

在我無聊既生活加添一些趣味

究竟Betty同Henry會唔會再一齊

Alexis撞完車冇左一d記憶

其實對佢反而係一件好事

Amanda既身世正式出現啦

Marc依然都係咁搞笑~哈哈

Wilhelmina依然都係奸到出汗

Hilda失去左最心愛既人

佢daddy講一樣野好啱既

失去心愛既當然傷心

自然想將佢所有既野都留底

不過咁樣其實係好傻架

只要留底一樣兩個人最有價值就好可以

呀~而家睇到第二集~要繼續睇~Yeah~

臨時拉夫

俾個死人頭搞到要上台做mc

一d準備都冇咩data都冇

明明叫你做係都要拉埋我落水

你一個人都搞得掂啦

係都要滾搞我先安樂既

上到台又係爭野講

講解遊戲又一舊舊~

好彩都平安冇事搞掂哂

唔好話我冇做過mc呀

我做好多次架啦~不過次次都有準備架

唔會咁樣臨時拉夫架~

不真實

網上世界真係好虛幻、好唔真實
點解d人成日都會人都未見過
就會在網上同另外一個人講"我愛你"
只係睇過一張相就覺得對方適合自己
就會覺得自己係鐘意對方既咩
根本連對方性格、人格係點都未知
但係到出黎見完面之後又會唔再搵對方
而家既人係咪就係咁樣既呢
真係好唔真實、好奇怪~~~~~~~~~~

感情

少數有人開口讚我靚仔=_='
仲一開口就叫我同佢拍拖
其實佢都係自己喜歡既類型
不過自己冇接受到佢
因為覺得自己同人相處有問題
唔想再hurt到人
雖然佢話我地可以慢慢黎
不過我驚會同樣既事情會發生
唔想咁快就開始好怕傷害到人
覺得自己對於戀愛唔算好重視
始終覺得家人同朋友先係最重要

"愛"

愛–係雙方都真心愛對方
係雙向架~要互相體諒
互相遷就、互相為對方去改變
如果只得一方做到真係辛苦架
亦都唔可以因為對方做唔到而唔甘心
咁樣既關係根本就係名存實亡
睇到你既難受作為你既好朋友
真係好替你難過及憂心
其實你可以同佢分手我係替你開心
因為你地在一齊時實在太多問題
但係呢d問題真係好難去解決
而且你同佢一齊之後真係變左好多
不過我知道你真係好唔捨得呢段感情
原本一齊落bar係想替你舒解悶氣
點知今晚不停播既悲慘情歌好似講緊你
好似不停將你既經歷一首又一首咁唱出黎
睇到你忍住唔喊我真覺得你好辛苦
你冇需要扮到咁堅強架
最後我知道你再一次給予佢機會
我希望今次你願意再冒險一次係值得
換黎既就算唔係一段長久既感情
希望亦都會係一次真真正正既"愛"

最喜歡的歌曲

自己由細到大都好鐘意聽歌
其實由慢歌、快歌、pop、R&B、
band sound、blues、rock等等
只要好聽既我都會鐘意
不過其實有一d歌我會特別鐘意
好奇怪~當聽呢d歌既時候我會有打冷震既感覺
或者正因為咁先咁鐘意~嘻嘻~
有mi"宿命主義"、Joey"心淡"、SPEED"ALIVE"、
Stefanie"Leave me alone"、Gigi"至死不渝"、
Candy"三角誌"、酒井法子"碧綠色的兔子"、
Edmond"纏綿遊戲"、Miriam"抬起我的頭來"、
何CC"如無意外"、Theresa"你是灰色的"、Stephy"電燈膽"
ai ya~好花心呀~好多歌都好鐘意添~

衰人

請容許我粗鄙一次
你個懦夫、你件蛋散
你個賤人、你條茂利
你唔係男人、唔係
你根本連人都不如
你連做垃圾都唔配呀
你想同人分手咪分手囉
做乜係都要擺我上枱
咁有種講分手做乜仲要講咁多藉口
咁有gutsy既話就唔好再打俾老友
老友鬧得你完全冇錯架
你真係衰到冇人有
呢頭講分手之後可以扮咩事都冇
你係咪痴線架你有病架
你根本、完全就真係一個人~衰人

Harry Potter and the Order of the Phoenix

Harry Potter電影系列既第5部

今集講既係Harry既心中黑暗面

劇情冇小說中交代得咁清楚

要短短交代咁多本小說中最厚既第5部

一定有難度其實可以拍長d都唔緊要

劇中講既係Harry如何組織軍團

要與Lord Voldemort一眾對抗

末端其實幾好睇或者有人覺得中段好悶

不過我覺得呢d係一定要交代

Daniel明顯有演技上既進步

Rupert冇前幾集個樣咁佬而且演得更流暢

Emma一如以往反而想早睇佢同Rupert既感情戲

Sirius好似冇前幾集既個種滄桑味

Ginny今集好鬼勁仲掂過佢個d大佬

Kaite今集幾慘被人認定為背叛者不過演技都係...

Malfoy越黎越冇膽真係好唔想睇到佢

不過我覺得呢集好睇過上一集

或者係因為上集既Daniel仔真係好.....=_='

奔

這兩天都在放工後由公司一直奔....跑
因為這兩天不是懶床就是天氣關係
導致沒法於早上跑步跑步
其實路程與每早跑的差不多
不過其實是較辛苦的
因為每早跑的都是平路
而且早上的天氣還是清涼的
可是回家的路都充滿斜坡及暗斜
下午時份當然是比較.....
幸好這兩天有季候風到港
跑時沒有過往般辛苦
而且更開始有點點享受的感覺（被虐狂=_=")
特別今天跑完真的很舒暢
也許是今天心中有太多納悶了
跑完整個人也舒服了~~~~~~~~~

ALONE

同朋友一次既閒聊
發覺朋友很容易就會與人發生關係
我覺得其實自己係幾open
覺得人如果有需要
或者雙方都有意思既話
其實我覺得真係唔係咩大件事
不過正正係呢個話題
先發覺原來我並唔係自己諗既咁樣
或者有機會遇到自己好喜歡既type
但如果唔係自己既愛就真係....
自己曾經試過去一d地方
在那地方與人發生左關係
之後其實覺得自己幾dirty
亦都有一種好唔舒服既feeling
之後都冇再同唔係自己愛既人...
雖然事隔真係好耐
不過個種感受真係到而家都仲清楚
個種難受既感覺真係有點兒揮之不去
朋友話我專一先至會咁
但係我覺得自己絕對唔算係呢種人
或者我只係..........唔知啦
總之而家....."只想一個人"~

What's the HELL~

而家咩事呀
好大件事咩
咁都可以嘈一餐既咩
一早落雨冇得跑步
我已經好忟架啦
你仲打黎嘈生哂
搞到我冇得再訓返
如果我同你玩野
一定唔止咁簡單
你痴線就睇醫生
唔好再煩我啦~~~~~~~~

Dead Silence

一套新既恐怖片

有個咁既名係因為劇中

當你一尖叫你就會死

劇中講既係木偶公仔

真係幾恐怖因為d公仔真係好....

雖然短短90分鐘不過節奏明快

而且亦都交代得好清楚

ending亦都有少少令人意外

鐘意睇恐怖片既我真係有d驚

鐘意睇呢類片種可以一看~